കൊല്ലം : കൊട്ടാരക്കര താലൂക്ക് ആശുപത്രിയിലെത്തിച്ച പ്രതി വനിതാ ഡോക്ടറെ കുത്തിക്കൊന്നു. ഗാര്ഡുമാരേയും ഉള്പ്പടെ നാല് പേര്ക്ക് പരിക്കേറ്റിട്ടുണ്ട്ം. പൂയപ്പള്ളി ശ്രീനിലയം കുടവട്ടൂര് സന്ദീപാണ് ആക്രമണം നടത്തിയത്. വനിതാ ഡോക്ടര് അതീവ ഗുരുതരാവസ്ഥയില് ചികിത്സയില് കഴിയുന്നതിനിടെയാണ് മരണമടഞ്ഞത്.
ബുധനാഴ്ച പുലര്ച്ചെ അഞ്ചു മണിയോടെയാണ് സംഭവം നടക്കുന്നത്. വീട്ടില് വെച്ച് സന്ദീപ് ആക്രമണങ്ങള് നടത്തിയതിനെ തുടര്ന്ന് ബന്ധുക്കള് പോലീസിനെ വിവരമറിയിച്ചു.സന്ദീപും വീടിന് അടുത്തുള്ളവരുമായി നടത്തിയ അടിപിടിയില് കാലിനു മുറിവേറ്റിരുന്നു.
കസ്റ്റഡിയിലെടുത്ത പോലീസ് പ്രതിയെ വൈദ്യ പരിശോധനക്ക് എത്തിച്ച് ഇയാളുടെ ശരീരത്തിലുള്ള മുറിവുകള് തുന്നിക്കെട്ടുന്നതിനിടെ അവിടെയുണ്ടായിരുന്ന വനിതാ ഡോക്ടറെ സന്ദീപ് കത്തിയെടുത്ത് കഴുത്തിന് കുത്തുകയായിരുന്നു. ഡോക്ടറുടെ വയറിന്റെ ഭാഗത്തും പിന്ഭാഗത്തും കുത്തേറ്റു. ഗുരുതരമായി പരുക്കേറ്റ കോട്ടയം സ്വദേശിയായ ഡോക്ടര് വന്ദനാ മേനോനെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചെങ്കിലും മരണമടഞ്ഞു. ഡോക്ടര് വന്ദന മേനോന്, ആശുപത്രി ഗാര്ഡായ മണിലാല്, ഹോം ഗാര്ഡ് ആയ അലക്സ് കുട്ടി എന്നിവര്ക്കും കാര്യമായി പരിക്കേറ്റിട്ടുണ്ട്.
നെടുമ്പന യുപി സ്കൂളിലെ അധ്യാപകനാണ് സന്ദീപ്. ഡീ അഡിക്ഷന് സെന്ററില്നിന്ന് എത്തിയ ശേഷമാണ് ഇയാള് ഇത്തരത്തില് ആക്രമണ സ്വഭാവം കാണിച്ചത്.
