കണ്ണൂര് : ദ കേരള സ്റ്റോറി എന്ന സിനിമ പ്രദര്ശിപ്പിക്കുന്നതിനെതിരെയുള്ള പ്രചാരണം തുടരുമെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്. കേരളത്തെ മലിനമാക്കുക എന്നൊരു ഉദ്ദേശത്തിലാണ് ചിത്രം പ്രദര്ശനത്തിന് എത്തുന്നത്. കേരളത്തില് വിഷം കലക്കാനാണ് ആര്എസ്എസും ബിജെപിയും ശ്രമിക്കുന്നതെന്ന് സിപിഎം സംസ്ഥാന സെക്രട്ടറി പറഞ്ഞു.
സിനിമയ്ക്കെതിരായ പ്രചാരണവുമായി സിപിഎം മുന്നോട്ട് പോകും. കേരളത്തെ മലിനമാക്കുക എന്നൊരു ഉദ്ദേശം മാത്രമാണ് ഇതിന് പിന്നിലുള്ളത്. കക്കുകളി നാടകവുമായി ബന്ധപ്പെട്ട് വിശ്വാസികള് ഉന്നയിച്ച പ്രശ്നം പരിശോധിക്കും. നാടകം താനും കണ്ടതാണ്. മതങ്ങളെയും വിശ്വാസ പ്രമാണങ്ങളേയും പരസ്യമായി എതിര്ക്കുന്ന നിലപാട് സിപിഎമ്മിനില്ലെന്നും എം.വി. ഗോവിന്ദന് പറഞ്ഞു.
സിനിമയെ അനുകൂലിച്ച് സമൂഹ മാധ്യമങ്ങളില് നിരവധി പേര് രംഗത്ത് എത്തിയിട്ടുണ്ട്. അതേസമയം സിനിമയ്ക്ക് സെന്സര് ബോര്ഡ് സര്ട്ടിഫിക്കറ്റും കിട്ടിയിട്ടുണ്ട്. ചിത്രത്തിന്റെ വിവിധ ഇടങ്ങളിലായി സംഭാഷണങ്ങള് ഉള്പ്പടെ പത്ത് മാറ്റങ്ങള് വരുത്താന് നിര്ദ്ദേശിച്ചിട്ടുണ്ട്. ചിത്രത്തിന് എ സര്ട്ടിഫിക്കറ്റാണ് സെന്സര്ബോര്ഡ് നല്കിയിരിക്കുന്നത്.
