മൊഹാലി : കഴിഞ്ഞ ദിവസം അന്തരിച്ച പഞ്ചാബ് മുന് മുഖ്യമന്ത്രിയും മുതിര്ന്ന ശിരോമണി അകാലിദള് നേതാവുമായ പ്രകാശ് സിംഗ് ബാദലിന്റെ സംസ്കാരം നാളെ നടക്കും. ജന്മസ്ഥലമായ മുകത്സര് ജില്ലയിലെ ബാദല് ഗ്രാമത്തില് നാളെ ഉച്ചയ്ക്ക് ഒരു മണിയോടെയാണ് സംസ്കാര ചടങ്ങുകള് നടക്കുക. സംസ്കാര ചടങ്ങുകള് നടക്കുന്ന സാഹചര്യത്തില് നാളെ സംസ്ഥാനത്ത് പൊതു അവധി പ്രഖ്യാപിച്ചിട്ടുണ്ട്.
മൊഹാലിയിലെ ഫോര്ട്ടിസ് ആശുപത്രിയില് വച്ചായിരുന്നു 95 വയസുളള പ്രകാശ് സിംഗ് ബാദലിന്റെ മരണം . ചണ്ഡിഗഡിലെ പാര്ട്ടി ആസ്ഥാനത്ത് പൊതുദര്ശനത്തിന് വച്ച മൃതദേഹത്തില് ആദരാഞ്ജലി അര്പ്പിക്കാന് വലിയ തിരക്കാണ്
1957ല് മാലൗട്ടില് നിന്ന് കോണ്ഗ്രസ് നോമിനിയായി സംസ്ഥാന നിയമസഭയില് പ്രവേശിച്ച പ്രകാശ് സിംഗ് ബാദല് 1969ല് ഗിദ്ദര്ബാഹ സീറ്റില് നിന്ന് ശിരോമണി അകാലിദള് ടിക്കറ്റില് നിയമസഭയിലെത്തി. 11 തവണ എംഎല്എയായി തിരഞ്ഞെടുക്കപ്പെട്ട അദ്ദേഹം രണ്ടുതവണ പരാജയപ്പെട്ടു.
1970ല് ആദ്യമായി മുഖ്യമന്ത്രിയായി ബാദല് അധികാരമേറ്റു. എന്നാല് സര്ക്കാര് കാലാവധി പൂര്ത്തിയാക്കിയില്ല. പിന്നീട് 1977 മുതല് 1980 വരെയും 1997 മുതല് 2002 വരെയും 2007 മുതല് 2012 വരെയും 2012 മുതല് 2017 വരെയും നാല് തവണ മുഖ്യമന്ത്രിയായി.
