ബംഗളുരു: അടുത്ത മാസം 10ന് നടക്കുന്ന നിയമസഭാ തെരഞ്ഞെടുപ്പില് കര്ണാടകത്തിലെ 219 നിയമസഭാ മണ്ഡലങ്ങളിലായി 4989 നാമനിര്ദ്ദേശ പത്രികകളുടെ സൂക്ഷ്മപരിശോധന പൂര്ത്തിയായി. 3044 സ്ഥാനാര്ത്ഥികളുടെ നാമനിര്ദ്ദേശ പത്രികകള് സാധുവാണെന്ന് തിരഞ്ഞെടുപ്പ് കമ്മീഷന് കണ്ടെത്തി.
ബിജെപിയുടെ 219, കോണ്ഗ്രസിന്റെ 218, ജെഡി എസിന്റെ 207, എഎപിയുടെ 207, ബിഎസ്പിയുടെ 135, സിപിഎമ്മിന്റെ നാല് എന്നിങ്ങനെ നാമനിര്ദ്ദേശ പത്രികകളാണ്സാധുവാണെന്ന് കണ്ടെത്തിയത്. മറ്റ് മണ്ഡലങ്ങളിലെ നാമനിര്ദ്ദേശ പത്രികകളുടെ പരിശോധന പുരോഗമിക്കുകയാണ്.
തെരഞ്ഞെടുപ്പില് വോട്ടര്മാരുടെ പങ്കാളിത്തം മെപ്പെടുത്തുന്നതിനുള്ള ശ്രമത്തിന്റെ ഭാഗമായി സംസ്ഥാനത്തുടനീളം വിപുലമായ ബോധവത്കരണ പ്രവര്ത്തനങ്ങള് സംഘടിപ്പിക്കുന്നുണ്ട്. ഓട്ടോ സ്റ്റാന്ഡുകള്, വിപണികള്, ഹോട്ടലുകള്, വ്യവസായശാലകള് എന്നിവിടങ്ങളില് ബോധവത്കരണ പ്രവര്ത്തനങ്ങള് നടത്തുന്നു്.
മംഗളൂരുവിലെ പ്രധാന ബസ് സ്റ്റാന്ഡില് തെരുവ് നാടകങ്ങളും തിരഞ്ഞെടുപ്പിനെക്കുറിച്ചുള്ള നാടന് പാട്ടുകളും അവതരിപ്പിച്ചു. വോട്ട് വില്ക്കാനുളളതല്ല എന്ന സന്ദേശവും നല്കുന്നുണ്ട്.
