കണ്ണൂര്‍: കാഞ്ഞിരകൊല്ലിയില്‍ റിസോര്‍ട്ട് ഉടമ വെടിയേറ്റ് മരിച്ചു. കാഞ്ഞിരക്കൊല്ലി ഏലപ്പാറയിലെ പരത്തനാല്‍ ബെന്നിയാണ് വെടിയേറ്റ് മരിച്ചത്. കാഞ്ഞിരക്കൊല്ലിയിലെ അരുവി റിസോട്ടിന്റെ ഉടമയാണ് ബെന്നി. ഇന്ന് പുലർച്ചെ ഒന്നരയോടെയാണ് സംഭവം.
വെള്ളിയാഴ്ച രാത്രിയിലാണ് സംഭവമുണ്ടായത്. നായാട്ടിനിടെ അബദ്ധത്തില്‍ വെടി പൊട്ടിയതാണ് മരണകാരണമെന്ന് നിഗമനം. പയ്യാവൂര്‍ പോലീസ് സ്ഥലത്ത് പരിശോധന നടത്തുകയാണ്. കൃഷിയിടത്തില്‍ ഇറങ്ങുന്ന പന്നിയെ വെടിവയ്‌ക്കാന്‍ സുഹൃത്തുക്കള്‍ക്കൊപ്പം ബെന്നി പോയിരുന്നു. ബെന്നിയുടെ കൈയിലിരുന്ന തോക്കില്‍നിന്നും അബദ്ധത്തില്‍ വെടിപൊട്ടിയാണ് മരണം സംഭവിച്ചതെന്നാണ് സുഹൃത്തുകള്‍ നല്‍കുന്ന മൊഴി.
മൃതദേഹം പരിയാരം മെഡിക്കൽകോളേജ് ആശുപത്രി മോർച്ചറിയിലേക്ക് മാറ്റി.
