ന്യൂദല്ഹി: തമിഴ്നാട് മുഖ്യമന്ത്രി സ്റ്റാലിന്റെ മകന് ഉദയനിധി സ്റ്റാലിനും മരുമകന് ശബരീശനും ചേര്ന്ന് ഒരു വര്ഷത്തില് 30,000 കോടി രൂപ സമ്പാദിച്ചെന്ന് ബിജെപി നേതാവ് സയിദ് സഫര് ഇസ്ലാം. തമിഴ്നാട്ടിലെ ധനമന്ത്രി പളനിവേല് ത്യാഗരാജന് ഒരു പത്രപ്രവര്ത്തകനോട് വെളിപ്പെടുത്തിയതാണ് ഇക്കാര്യമെന്നും സയിദ് സഫര് ഇസ്ലാം പറഞ്ഞു.
ഉദയിനിധിയുടെയും ശബരീശന്റെയും പ്രധാന ആശങ്ക എവിടെയാണ് ഈ പണം ഒളിപ്പിക്കുക എന്നതാണെന്നും സയിദ് സഫര് ഇസ്ലാം ആരോപിച്ചു. ഇത്രയും പണം ഒരു വര്ഷം കൊണ്ട് ഉണ്ടാക്കുന്നത് കേട്ടുകേള്വിയില്ലാത്തതാണെന്നും സാധാരണക്കാരുടെ പണം കൊള്ളയടിച്ചാണ് ഇവര് ഇത്രയും പണം ഉണ്ടാക്കിയതെന്നും സയിദ് സഫര് ഇസ്ലാം പറഞ്ഞു.
സാധാരണക്കാരുടെ ക്ഷേമത്തിനായി ചെലവഴിക്കേണ്ട പണമാണ് തമിഴ്നാട് മുഖ്യമന്ത്രി സ്റ്റാലിനും അദ്ദേഹത്തിന്റെ ബന്ധുക്കളും കൂട്ടുകാരായ ചില വിശ്വസ്തരും ചേര്ന്ന് കൊള്ളയടിച്ചതെന്നും അദ്ദേഹം പറഞ്ഞു. ഏതാനും ദിവസങ്ങള്ക്ക് മുന്പ് തമിഴ്നാട്ടിലെ ബിജെപി അധ്യക്ഷന് അണ്ണാമലൈ ഡിഎംകെ നേതാക്കളുടെ അഴിമതിയെക്കുറിച്ച് ചില രേഖകള് പുറത്തുവിട്ടിരുന്നു. അതിന്റെ തുടര്ച്ചയാണ് സയിദ് സഫര് ഇസ്ലാമിന്റെ ഈ ആരോപണം.
