ന്യൂദല്ഹി : ഗോധ്ര ട്രെയിന് തീ വെയ്പ് കേസിലെ എട്ട് പ്രതികള്ക്ക് സുപ്രീംകോടതി ജാമ്യം നല്കി. ജീവപര്യന്തം ശിക്ഷ അനുഭവിക്കുന്നവര്ക്കാണ് ജാമ്യം. ഡി.വൈ. ചന്ദ്രചൂഡ് അധ്യക്ഷനായ ബെഞ്ചിന്റേതാണ് നടപടി. ശിക്ഷ അനുഭവിച്ച കാലയളവും കുറ്റകൃത്യത്തിലെ പങ്ക് എന്നിവയുടെ അടിസ്ഥാനത്തിലാണ് ജാമ്യം അനുവദിച്ചിരിക്കുന്നത്.
കേസില് ജീവപര്യന്തം ശിക്ഷ അനുഭവിക്കുന്ന, കേസുമായി ബന്ധപ്പെട്ട് മറ്റ് കുറ്റങ്ങള് ചുമത്തപ്പെട്ട എട്ട് പേര്ക്കാണ് കോടതി ഇപ്പോള് ജാമ്യം നല്കിയിരിക്കുന്നത്. അതേസമയം ഈ കേസില് കൊലക്കുറ്റം ചുമത്തപ്പെട്ട നാലു പ്രതികളും ജാമ്യത്തിനായി സുപ്രീം കോടതിയെ സമീപിച്ചിരുന്നെങ്കിലും ഇവരുടെ ജാമ്യാപേക്ഷ കോടതി തള്ളി.
