അസ്താന: ലോക ചെസ് ചാമ്പ്യന്ഷിപ്പ് കിരീടത്തിനായുള്ള പോരാട്ടത്തില് റഷ്യയുടെ ഇയാന് നെപൊമ്നിയാഷി വീണ്ടും മുന്നില്. ഫൈനല് എതിരാളിയായ ചൈനയുടെ ഡിങ് ലിറെനെ ഏഴാം റൗണ്ടില് കീഴടക്കിയാണ് റഷ്യന് താരം 4-3ന് ലീഡെടുത്തത്.
വെള്ളക്കരുക്കളുമായി മത്സരം തുടങ്ങിയ നെപൊ തുടക്കം മുതല് ചൈനീസ് താരത്തിനു മേല് സമ്മര്ദ്ദം ശക്തമാക്കി. 37 നീക്കങ്ങള്ക്കൊടുവില് ലിറെന് തോല്വി സമ്മതിച്ചു. ഒന്ന്, നാല് റൗണ്ടുകള് സമനിലയിലായപ്പോള്, രണ്ട്, അഞ്ച് റൗണ്ടുകളില് നെപൊയും, മൂന്ന്, ആറ് റൗണ്ടുകളില് ലിറെനയും ജയിച്ചിരുന്നു.
ജന്മഭൂമി ഓണ്ലൈന്