കോഴിക്കോട്: ജന്മഭൂമി വര്‍ഷംതോറും പ്രസിദ്ധീകരിക്കുന്ന റംസാന്‍ പ്രത്യേക പതിപ്പായ ‘നിലാവ്’ ഇന്ന് പ്രകാശനം ചെയ്യും. മലപ്പുറം ഡൗണ്‍ഹിലില്‍ ഹോട്ടല്‍ ഗ്രാന്‍ഡേയ്‌സ് നടക്കുന്ന പ്രകാശന പരിപാടിയില്‍ പ്രമുഖ ചിന്തകനും പ്രഭാഷകനുമായ എ.പി. അഹമ്മദ്, ദേശീയ കര്‍ഷക അവാര്‍ഡ് ജേതാവ് സി.എം. മുഹമ്മദിന് നിലാവിന്റെ ആദ്യ കോപ്പി നല്‍കും.
പെരിന്തല്‍മണ്ണ ബികെസിസി ഹാര്‍ട്ട് ഹോസ്പിറ്റല്‍ സിഎംഡി:ഡോ. കെ.പി. ബാലകൃഷ്ണന്‍ അധ്യക്ഷനാകും. സി.എം. മുഹമ്മദ്, റജി നിലമ്പൂര്‍, എ.പി. അഹമ്മദ്, സമീര്‍ പട്ടുറുമാല്‍, അഡ്വ. ബാബുരാജ്, പി.കെ. വിജയന്‍ ആശംസയര്‍പ്പിക്കും. സി.എം. മുഹമ്മദ്, സമീര്‍ പട്ടുറുമാല്‍, ഡോ. കെ.പി. ബാലകൃഷ്ണന്‍ എന്നിവരെ പ്രവര്‍ത്തന മികവിന് ചടങ്ങില്‍ ആദരിക്കും.
