തിരുവനന്തപുരം: സംസ്ഥാനത്ത് ആറ് ജില്ലകളില് താപനില ഉയരുമെന്ന് മുന്നറിയിപ്പ്. സാധാരണയെക്കാള് താപനില രണ്ട് മുതല് നാല് ഡിഗ്രി സെല്ഷ്യസ് വരെ ഉയരാം.
പാലക്കാട് ഉയര്ന്ന താപനില 40 ഡിഗ്രി സെല്ഷ്യസിന് അടുത്ത് വരും. കോഴിക്കോട്, കണ്ണൂര്, തൃശ്ശൂര് ജില്ലകളില് ഉയര്ന്ന താപനില 38 ഡിഗ്രി സെല്ഷ്യസോളം ഉയരും. കോട്ടയം, ആലപ്പുഴ ജില്ലകളില് ഉയര്ന്ന താപനില 37 ഡിഗ്രി സെല്ഷ്യസിന് അടുത്ത് തുടരുമെന്നാണ് മുന്നറിയിപ്പ് .
സംസ്ഥാനത്ത് കടുത്ത ചൂട് തുടരുകയാണ്. പലയിടങ്ങളിലും ജലക്ഷാമവും ഉണ്ട്. ഈ സാഹചര്യത്തില് സംസ്ഥാന ദുരന്തനിവാരണ അതോറിറ്റി ജാഗ്രതാ നിര്ദ്ദേശങ്ങള് പുറപ്പെടുവിച്ചിട്ടുണ്ട്. പകല് 11 മണിക്കും ഉച്ചയ്ക്ക് മൂന്ന മണിക്കുമിടയില് വെയില് കൊളളുന്നത് ഒഴിവാക്കണം. ധാരാളം വെളളം കുടിക്കണം. മൃഗങ്ങളെ വെയിലത്ത് മേയാന് വിടരുത് തുടങ്ങിയ നിര്ദ്ദേശങ്ങളാണ് നല്കിയിട്ടുളളത്.
