ന്യൂദൽഹി: പിഡിപി ചെയര്‍മാന്‍ അബ്ദുൾ നാസർ മദനിക്ക് ജാമ്യവ്യവസ്ഥയിൽ ഇളവനുവദിച്ച് സുപ്രീംകോടതി. ജൂലൈ പത്ത് വരെ കേരളത്തിൽ തങ്ങാൻ സുപ്രീംകോടതി അനുമതി നൽകി. അസുഖബാധിതനായി കേരളത്തിൽ കഴിയുന്ന അച്ഛനെ കാണാനാണ് ഇളവ് അനുവദിച്ചിരിക്കുന്നത്. കർണാടക പോലീസും കേരള പോലീസും സുരക്ഷ ഒരുക്കണം.
ഉപാധികളോടെയുള്ള ജാമ്യത്തില്‍ കഴിയുകയായിരുന്ന മദനി രോഗാവസ്ഥ മൂര്‍ഛിച്ചതിനെ തുടര്‍ന്നാണ് ജാമ്യാവസ്ഥയില്‍ ഇളവുതേടി സുപ്രീം കോടതിയെ സമീപിച്ചത്. പിതാവിന്റെ ആരോഗ്യ നില മോശമാണെന്നും തനിക്ക് പിതാവിനെ കാണാൻ അവസരം നൽകണമെന്നും മദനി അപേക്ഷയിൽ ആവശ്യപ്പെട്ടിരുന്നു. കൂടാതെ ആയുർവേദ ചികിത്സയ്‌ക്കായി കേരളത്തിലേക്ക് പോകാൻ അനുവാദം വേണം.
ആരോഗ്യനില മോശം സാഹചര്യത്തിലാണെന്നും പക്ഷാഘാതത്തെ തുടർന്ന് ഓർമ്മക്കുറവും കാഴ്ചയ്‌ക്കും പ്രശ്നങ്ങളുണ്ടെന്നും മഅ്ദനി കോടതിയിൽ നൽകിയ അപേക്ഷയിൽ പറഞ്ഞിരുന്നു.
