തിരുവനന്തപുരം: കേന്ദ്ര യുവജനകാര്യകായിക മന്ത്രാലയത്തിനു കീഴിലുള്ള നെഹ്റു യുവ കേന്ദ്ര സംഘതനും ലോകസഭാ സെക്രട്ടറിയേറ്റിന് കീഴിലുള്ള പാര്ലമെന്ററി റിസേര്ച് & ട്രെയിനിംഗ് ഫോര് ഡെമോക്രസിയും (പ്രൈഡ്) ചേര്ന്ന് ഏപ്രില് 14ന് പാര്ലമെന്റിന്റെ സെന്ട്രല് ഹാളില് സംഘടിപ്പിക്കുന്ന ഡോ. ബി.ആര്. അംബേദ്കര് അനുസ്മരണ ചടങ്ങില് തിരുവനന്തപുരം നേമം സ്വദേശിനി അനുഷ എ.എസ് പങ്കെടുക്കും.
ചടങ്ങില് പങ്കെടുക്കുന്നതിന് കേരളത്തില് നിന്നും തിരഞ്ഞെടുക്കപ്പെട്ട ഏക പ്രതിനിധിയാണ് അനുഷ. നെഹ്റു യുവ കേന്ദ്ര ഫെബ്രുവരിയില് നടത്തിയ സംസ്ഥാനതല യൂത്ത് പാര്ലമെന്റ് പരിപാടിയിലെ മികച്ച പ്രകടനത്താലാണ് അനുഷയ്ക്ക് പാര്ലിമെന്റില് നടക്കുന്ന ചടങ്ങില് പങ്കെടുക്കാന് അവസരം കൈവന്നത്.
വിവിധ സംസ്ഥാനങ്ങളില് നിന്നും തിരഞ്ഞെടുക്കപ്പെട്ട 25 പേരില് പ്രസംഗിക്കാന് അവസരം ലഭിച്ചത് അനുഷയടക്കം ഏഴുപേര്ക്ക് മാത്രം. ഡോ. അംബേദ്കറെക്കുറിച്ച് അനുഷയുടെ മൂന്ന് മിനിട്ട് ദൈര്ഘ്യമുള്ള റെക്കോര്ഡ് ചെയ്ത പ്രസംഗം വിലയിരുത്തിയാണ് ചടങ്ങില് പ്രസംഗിക്കാന് തിരഞ്ഞെടുത്തത്.
തിരുവനന്തപുരം നേമം പ്രാവച്ചമ്പലം സ്വദേശി കരസേനയില് നിന്നും വിരമിച്ച ഓണററി ക്യാപ്റ്റന് കെ. അനില് കുമാറിന്റെയും കെ ഷീലയുടെയും മകളായ അനുഷ കേരള യൂണിവേഴ്സിറ്റിയില് നിന്നും ഒന്നാം റാങ്കോടെ സുവോളജിയില് ബിരുദാനന്തര ബിരുദം നേടിയിട്ടുണ്ട്. ദേശീയസംസ്ഥാന തലത്തില് നടന്ന ഒട്ടേറെ പ്രസംഗഡിബേറ്റ്ക്വിസ് മത്സരങ്ങളില് വിജയിയായിട്ടുള്ള അനുഷ എന്.സി.സിയില് എ-ഗ്രേഡ് സര്ട്ടിഫിക്കറ്റ് കരസ്ഥമാക്കിയിട്ടുണ്ട്.
