ധോണി എന്റര്ടൈന്മെന്റ്സിന്റെ ബാനറില് എംഎസ് ധോണിയുടെയും ഭാര്യ സാക്ഷി ധോണിയുടെയും കന്നി നിര്മാണ ചിത്രമായ ‘എല് ജി എം’ നായി തമിഴ് ഇന്ഡസ്ട്രിയിലെ ഓരോരുത്തരും കാത്തിരിപ്പിലാണ്. ചിത്രത്തിന്റെ ഫസ്റ്റ് ലുക്ക് പോസ്റ്റര് ‘തല’ ധോണി തന്നെയാണ് തന്റെ ഫേസ്ബുക്ക് അക്കൗണ്ടിലൂടെ പങ്കുവെച്ചത്. രമേശ് തമിഴ് മണിയാണ് ചിത്രം സംവിധാനം ചെയ്യുന്നത്.
ചിത്രത്തിന്റെ നിര്മാതാവായ വിജയ് ഹസിഗയുടെ വാക്കുകള് ഇങ്ങനെ ‘ഷൂട്ടിങ്ങിന്റെ അവസാന ഷെഡ്യുളിലാണ് എത്തി നില്ക്കുന്നത്. ഉടന് തന്നെ പോസ്റ്റ് പ്രൊഡക്ഷനിലേക്ക് നീങ്ങും. ഞങ്ങളിടെ തമിഴ് ഇന്ഡസ്ട്രിയിലേക്കുള്ള സുന്ദരമായ വരവിനെ തുടക്കം കുറിക്കുന്നത് ചിത്രമാണ്. ഇതുവരെയുള്ള അനുഭവങ്ങള് മനോഹരമായിരുന്നു.’
ക്രിയേറ്റിവ് പ്രൊഡ്യുസര് പ്രിയാന്ഷു ചോപ്രയുടെ വാക്കുകള് ഇങ്ങനെ ‘ചിത്രത്തില് നിരവധി സര്െ്രെപസ് എലമെന്റ്സുണ്ട്. ചിത്രത്തിന്റെ കാസ്റ്റും ക്രുവും അത്രമേല് പ്രഗത്ഭരാണ്. അവരുടെ കഴിവിന്റെ പരമാവധി സിനിമയ്ക്കായി ഓരോരുത്തരും പുറത്തെടുക്കുന്നുണ്ട്. സന്തോഷത്തോടെയുള്ള ഷൂട്ടിങ്ങ് പ്രോസസിലാണ് ഞങ്ങള് കടന്ന് പോകുന്നത്’.
ഒരു ഫീല് ഗുഡ് ഫാമിലി എന്റര്ടെയിനറായ ‘എല്ജിഎം’ല് ഹരീഷ് കല്യാണ്, നാദിയ, ഇവാന എന്നിവര് പ്രധാന കഥാപാത്രങ്ങളെ അവതരിപ്പിക്കുമ്പോള് യോഗി ബാബു, മിര്ച്ചി വിജയ് തുടങ്ങിയവരും ചിത്രത്തിന്റെ പ്രധാന ഭാഗമാകുന്നു. സംവിധായകന് രമേശ് തമിഴ്മണി തന്നെയാണ് ചിത്രത്തിന് സംഗീതം നല്കുന്നതും. ശബരിയാണ് പിആര്ഒ.
