തമിഴ് സൂപ്പര്സ്റ്റാര് അരുണ് വിജയുടെ ‘മിഷന് ചാപ്റ്റര് 1’ന്റെ ടീസര് പുറത്തിറങ്ങി. എം രാജശേഖര്, എസ്. സ്വാതി എന്നിവരാണ് ചിത്രം നിര്മിക്കുന്ന ചിത്രം നാല് ഭാഷകളിലായി പ്രേക്ഷകര്ക്ക് മുന്നില് അവതരിപ്പിക്കുന്നത് ലൈക്ക പ്രൊഡക്ഷന്സ് ആണ്. നിരവധി ഹിറ്റ് ചിത്രങ്ങളുടെ സംവിധായകന് വിജയ് തന്നെയാണ് ‘മിഷന് ചാപ്റ്റര് 1’ ഒരുക്കിയിരിക്കുന്നത്. ചെന്നൈയിലും ലണ്ടനിലുമായി വെറും 70 ദിവസങ്ങള് കൊണ്ടാണ് ചിത്രത്തിന്റെ ഷൂട്ടിങ്ങ് അവസാനിച്ചത്. നിരവധി താരങ്ങളും മികച്ച അണിയറപ്രവര്ത്തകരുമാണ് ചിത്രത്തിന് വേണ്ടി ഒരുമിക്കുന്നത്.
കുറച്ച് വര്ഷത്തെ ഇടവേളയ്ക്ക് ശേഷം എമി ജാക്സന് എത്തുകയാണ്. ഒരു ജയില് ഗാര്ഡ് വേഷത്തിലാണ് എമി എത്തുന്നത്. മലയാളികളുടെ പ്രിയപ്പെട്ട താരം നിമിഷ സജയന് മറ്റൊരു പ്രധാന വേഷത്തിലെത്തുന്നു. ജി വി പ്രകാശ് കുമാറിന്റെ മ്യുസിക്ക് മറ്റൊരു പ്രധാന ആകര്ഷണതയായി മാറുന്നുണ്ട്.
ചെലവേറിയ ഒരു ജയില് സെറ്റ് ചെന്നൈയിലായി നിര്മിച്ചിരുന്നു. ലണ്ടന് ജയിലിനെ ഓര്മിപ്പിക്കുന്ന തരത്തില് നിര്മിച്ചിരുന്ന ഈ സെറ്റില് വമ്പന് ആക്ഷന് രംഗങ്ങള് സ്റ്റണ്ട് സില്വ ഒരുക്കിയിരുന്നു. ശ്വാസം അടക്കി പിടിച്ച് കാണേണ്ട ആക്ഷന് രംഗങ്ങള് ഒരുക്കി പ്രേക്ഷകനെ സീറ്റിന്റെ അറ്റത്ത് ഇരുത്തുന്ന രംഗങ്ങള് ചിത്രത്തില് പ്രതീക്ഷിക്കാം. അരുണ് വിജയ് എന്ന താരത്തിന്റെ മറ്റൊരു ഗംഭീര വേഷം തന്നെയാവും ‘മിഷന് ചാപ്റ്റര് 1’ ല് കാണാന് സാധിക്കുന്നത്. അഭി ഹസന്, ഭരത് ബോപ്പണ്ണ, ബേബി ഇയാല്, വിരാജ് എസ്, ജേസന് ഷാ എന്നിവര് മറ്റ് കഥാപാത്രങ്ങളെ അവതരിപ്പിക്കുന്നു. ശബരിയാണ് പിആര്ഒ.
