തിരുവനന്തപുരം: ഇടതു സര്ക്കാരിന്റെ ജനദ്രോഹനയങ്ങള്ക്കും അഴിമതിക്കുമെതിരെ ഇന്ന് 27ന് എന്ഡിഎ സെക്രട്ടറിയേറ്റ് മാര്ച്ച് നടത്തും. എന്ഡിഎ ചെയര്മാന് കെ.സുരേന്ദ്രന് മാര്ച്ച് ഉദ്ഘാടനം ചെയ്യുമെന്നും പികെ കൃഷ്ണദാസ് അറിയിച്ചു. പിണറായി സര്ക്കാരിന്റെ അഴിമതിക്കെതിരായ ബഹുജനപ്രക്ഷോഭത്തിന്റെ ആരംഭമായിരിക്കും സെക്രട്ടറിയേറ്റ് മാര്ച്ച്.
സംസ്ഥാനത്ത് ഇടതുപക്ഷവും കോണ്ഗ്രസും ഒന്നിച്ചിരിക്കുന്ന സാഹചര്യത്തില് യഥാര്ത്ഥ പ്രതിപക്ഷം എന്ഡിഎയാണ്. വയനാട്ടില് തിരഞ്ഞെടുപ്പ് വന്നാല് ഇരുമുന്നണികളുടേയും സംയുക്ത സ്ഥാനാര്ത്ഥി വരും. നിയമസഭയില് പ്രതിപക്ഷമില്ലാത്ത അവസ്ഥയാണ് കേരളത്തിലുള്ളത്. തെരുവില് എന്ഡിഎ പ്രതിപക്ഷ ശബ്ദമാവുമെന്നും പികെ കൃഷ്ണദാസ് പറഞ്ഞു.
