പാലക്കാട് : പാലക്കാട് ഗ്യാസ് സിലിണ്ടര് പൊട്ടിത്തെറിച്ച് ഹോട്ടലിന് തീപിടിച്ചു. പുതുശ്ശേരി കുടുംബശ്രീ ഹോട്ടലിനാണ് തീപിടിച്ചത്. പാചകം ചെയ്യുന്നതിനിടെ ഗ്യാസ് സിലിണ്ടര് പൊട്ടിത്തെറിക്കുകയായിരുന്നു. കഞ്ചിക്കോട് അഗ്നി രക്ഷാസേനാംഗങ്ങള് ഹോട്ടലിലെ തീ അണച്ചത്.
സ്ഫോടനത്തിന് പിന്നാലെ തൊഴിലാളികള് ഹോട്ടലില് പുറത്തേക്ക് ഓടിയതിനാല് വന് അപകടം ഒഴിവായി. അപകടത്തില് തൊട്ടടുത്തുള്ള ട്രാക്ടര് ഏജന്സിയുടെ ഓഫീസിലും കേടുപാടുകള് സംഭവിച്ചു. ഏകദേശം ഒന്നര ലക്ഷം രൂപയുടെ നഷ്ടം ഉണ്ടായതായി കുടുംബശ്രീ ജീവനക്കാര് അറിയിച്ചു. 200 മീറ്റര് അകലെ ഒഴിഞ്ഞ പറമ്പില് നിന്ന് വരെ പൊട്ടിത്തെറിച്ച സിലിണ്ടറിന്റെ അവശിഷ്ടങ്ങള് കണ്ടെടുത്തു.
