ഇടുക്കി: നാലുകിലോ കഞ്ചാവുമായി സിപിഎം ബ്രാഞ്ച് സെക്രട്ടറി അടക്കം രണ്ടു പേര് അറസ്റ്റില്. സി.പി.എം. ബ്രാഞ്ച് സെക്രട്ടറി മുരിക്കാശേരി ചിന്നാര്നിരപ്പ് പുല്ലാട്ട് സിബി (57), അമ്പാട്ട് ഷിന്റോ(44) എന്നിവരെയാണ് ജില്ലാ പോലീസ് മേധാവിയുടെ ഡിഫന്സ് ടീം അറസ്റ്റുചെയ്തത്.
ഉണങ്ങിയ കഞ്ചാവുമായി ചിന്നാര് ബസ് സ്റ്റോപ്പില് വില്പ്പനയ്ക്ക് ഒരുങ്ങവേ ആണ് അറസ്റ്റിലായത്. പോലീസിനെ കണ്ട് ഓടി രക്ഷപ്പെടാനും ശ്രമിച്ചു. മുരിക്കാശ്ശേരി എസ്.എച്ച്.ഒ. എന്.എസ്. റോയിയുടെ നേതൃത്വത്തില് എസ്.ഐ. സി.ടി. ജിജി, എ.എസ്.ഐ.മാരായ പി.ഡി. സേവ്യര്, ഡെജി വര്ഗീസ്, എസ്.സി.പി.ഒ.മാരായ മാത്യു തോമസ്, ശ്രീജിത്ത് ശ്രീകുമാര്, സി.പി.ഒ. ധന്യ എന്നിവര് ചേര്ന്നാണ് ഇവരെ പിടിച്ചത്. പ്രതികളെ കോടതി റിമാന്ഡുചെയ്തു.
