വെഞ്ഞാറമൂട്: വീട്ടുമുറ്റത്ത് പാര്ക്കുചെയ്തിരുന്ന രണ്ട് പുത്തന് കാറുകള് അജ്ഞാതര് കത്തിച്ചു. വെഞ്ഞാറമൂട് വലിയകട്ടയ്ക്കാല് മുരുകവിലാസത്തില് മുരുകന്റെ വീട്ടുമുറ്റത്ത് പാര്ക്കുചെയ്തിരുന്ന ഫോര്ച്യൂണര്, ആള്ട്രോസ് കാറുകളാണ് ഇന്നലെ അര്ദ്ധരാത്രിയോടെ കത്തിച്ചത്. ശബ്ദം കേട്ട് ഉണര്ന്ന വീട്ടുകാര് ഉടന്തന്നെ തീ അണച്ചതിനാല് കാറുകള് ഭാഗികമായി മാത്രമേ കത്തിയിട്ടുള്ളൂ.ആറുലക്ഷത്തോളം രൂപയുടെ നഷ്ടമുണ്ടായെന്നാണ് വീട്ടുകാര് പറയുന്നത്
മറ്റൊരു കാറില് എത്തിയവരില് ഒരാള് മാസ്കും തൊപ്പിയും ധരിച്ച് വീട്ടുമുറ്റത്തെത്തി കുപ്പികളില് കൊണ്ടുവന്ന പെട്രോള് കാറുകളില് ഒഴിക്കുന്നതിന്റെയും തീയിടുന്നതിന്റെയും സിസി ടിവി ദൃശ്യങ്ങള് ലഭിച്ചിട്ടുണ്ട്. എന്നാല് അക്രമി എത്തിയ കാറിന്റെ നമ്പര് വ്യക്തമല്ല. മുരുകന് വര്ഷങ്ങളായി ഗള്ഫിലാണ്. സംഭവം നടക്കുമ്പോള് മുരുകന്റെ അച്ഛനും അമ്മയും മരുമകളും കുഞ്ഞും മാത്രമേ വീട്ടില് ഉണ്ടായിരുന്നുള്ളൂ. അക്രമികളെക്കുറിച്ച് സൂചന ലഭിച്ചിട്ടില്ല. പ്രദേശത്തെക്കുറിച്ച് നന്നായി അറിയാവുന്നവരാണ് അക്രമികള് എന്നാണ് സൂചന. സി സി ടി വി ദൃശ്യങ്ങള് കേന്ദ്രീകരിച്ച് പ്രതികളെ പിടികൂടാനുള്ള ശ്രമത്തിലാണ് പൊലീസ്.
