ന്യൂദല്ഹി : 75ാം രക്തസാക്ഷിത്വ ദിനത്തില് മഹാത്മാ ഗാന്ധിക്ക് പ്രണാമമര്പ്പിച്ച് രാജ്യം. രാഷ്ട്രപതി ദ്രൗപദി മുര്മു, ഉപരാഷ്ട്രപതി ജഗ്ദീപ് ധന്കര്, പ്രധാനമന്ത്രി നരേന്ദ്രമോദി, ലോക്സഭാ സ്പീക്കര് ഓം ബിര്ള, പ്രതിരോധമന്ത്രി രാജ്നാഥ് സിങ്, ദല്ഹി ലഫ്റ്റനന്റ് ഗവര്ണര് വിനയ് കുമാര് സക്സേന തുടങ്ങിയവര് രാജ്ഘട്ടിലെ ഗാന്ധി സ്മാരകത്തിലെത്തി പ്രണാമമര്പ്പിച്ചു.
ഗാന്ധിജിയുടെ ത്യാഗം ഒരുകാലത്തും രാജ്യത്തിനു മറക്കാനാകില്ലെന്ന് പ്രധാനമന്ത്രി നരേന്ദ്ര മോദി ട്വീറ്ററിലൂടെ അറിയിച്ചു. ബാപ്പുവിനെ വണങ്ങുകയും അദ്ദേഹത്തിന്റെ അഗാധമായ ചിന്തകള് അനുസ്മരിക്കുകയും ചെയ്യുന്നു. രാഷ്ട്രസേവനത്തിനിടെ രക്തസാക്ഷികളായ എല്ലാവര്ക്കും ആദരാഞ്ജലികള് അര്പ്പിക്കുന്നു. അവരുടെ ത്യാഗങ്ങള് ഒരിക്കലും മറക്കില്ല. വികസിത ഇന്ത്യക്കായി പ്രവര്ത്തിക്കാനുള്ള ഞങ്ങളുടെ ദൃഢനിശ്ചയം ശക്തിപ്പെടുത്തും.’ പ്രധാനമന്ത്രി ട്വീറ്റ് ചെയ്തു.
‘സ്വാതന്ത്ര്യത്തിന്റെ സുവര്ണ്ണ കാലഘട്ടത്തില് സ്വച്ഛത, സ്വദേശി, സ്വഭാഷ എന്നീ ആശയങ്ങള് സ്വീകരിക്കുക എന്നതാണ് ഗാന്ധിജിക്കുള്ള യഥാര്ഥ ആദരവെന്ന് അമിത് ഷായും ട്വിറ്ററിലൂടെ അറിയിച്ചു. ‘സ്നേഹത്തോടെയും സാഹോദര്യത്തോടെയും ജീവിക്കാനും സത്യത്തിനുവേണ്ടി പോരാടാനും ബാപ്പു രാജ്യത്തെ മുഴുവന് പഠിപ്പിച്ചു. രാഷ്ട്രപിതാവ് മഹാത്മാഗാന്ധിയുടെ രക്തസാക്ഷിത്വ ദിനത്തില് അദ്ദേഹത്തിന് അഭിവാദ്യം അര്പ്പിക്കുന്നതായി രാഹുല് ഗാന്ധിയും ട്വിറ്ററിലൂടെ അറിയിച്ചു.
