തിരുവനന്തപുരം: ഇന്സ്റ്റഗ്രാമിലൂടെ പരിചയപ്പെട്ട പ്ലസ് വണ് വിദ്യാര്ത്ഥിനിയെ പ്രണയം നടിച്ച് കൊണ്ടുപോയി പീഡിപ്പിച്ച കേസിൽ മൂന്നു യുവാക്കൾ അറസ്റ്റിൽ. തിരുവനന്തപുരം പെരുമാതുറ സ്വദേശികളായ ജസീർ, നൗഫൽ, നിയാസ് എന്നിവരെയാണ് കുണ്ടറ പോലീസ് പിടികൂടിയത്.
ജസീറാണ് പെണ്കുട്ടിയെ പീഡിപ്പിച്ചത്. കുട്ടിയെ കൊണ്ടുവരാന് വാഹനം ഒരുക്കി നല്കിയതും വീട് വാടകയ്ക്ക് എടുത്ത് നല്കിയതും ഇയാളുടെ സുഹൃത്തുക്കളായ നൗഫലും നിയാസുമാണ് . ജസീറും നൗഫലും നിരവധി ക്രിമിനല് കേസുകളിലെ പ്രതികളാണ്. കൊല്ലം കുണ്ടറ സ്വദേശിനിയായ പെണ്കുട്ടിയെ തിരുവനന്തപുരം പാലോട് എത്തിച്ചാണ് ജസീർ പീഡിപ്പിച്ചത്.
ഇക്കഴിഞ്ഞ വെള്ളിയാഴ്ച്ചയാണ് മൂന്നംഗ സംഘം പെണ്കുട്ടിയെ കുണ്ടറയിൽ നിന്നും കാറിൽ കടത്തിക്കൊണ്ടുപോയത്.
