കാഠ്മണ്ഡു: നേപ്പാള് വിമാനപകടത്തിന്റെ വിവിധ വീഡിയോകള് സോഷ്യല്മീഡിയയില് പ്രചരിക്കുന്നു. വിമാനത്തിനുള്ളില് നിന്ന് ഇന്ത്യക്കാരാനായ യാത്രികള് ചിത്രീകരിച്ച വീഡിയോ ആണ് ഇതില് ഒന്ന്. അപകടത്തിന്റെ അന്വേഷണത്തിനടക്കം സഹായകമാകുന്ന വീഡിയോ ആണ് സോനു ജെയ്സ്വാള് എന്നയാളാണ് തകര്ന്നുവീഴുന്നതിന് തൊട്ടുമുന്പ് വിമാനത്തിനുള്ളില്നിന്ന് ഫെയ്സ്ബുക്ക് ലൈവായി ചെയ്തത്. ഇതേ വീഡിയോ സോനുവിന്റെ ഫെയ്സ്ബുക്ക് അക്കൗണ്ടിലുമുണ്ട്.
ഫെയ്സ്ബുക്കില് ലൈവ് ചെയ്യുന്നതിനിടെ വിമാനം അപകടത്തില്പ്പെടുകയായിരുന്നു. ഈ ദൃശ്യങ്ങളുടെ ആധികാരികത ഏറെക്കുറെ സ്ഥിരീകരിച്ചിട്ടുണ്ട്. വിമാനത്തിന്റെ ഉള്ളില്നിന്നുള്ള ദൃശ്യങ്ങളാണ് പ്രചരിക്കുന്ന വീഡിയോയുടെ ആദ്യഭാഗത്തുള്ളത്. തുടര്ന്ന് വിമാനത്തിന്റെ വിന്ഡോയിലൂടെയുള്ള കാഴ്ചകളും കാണാം. പിന്നീട് വിമാനം ആടിയുലയുന്നതും യാത്രക്കാര് നിലവിളിക്കുന്നതും കാണാം. ഈ സമയത്താകാം വിമാനം താഴേക്ക് വീണതെന്നാണ് കരുതുന്നത്. പിന്നീട് കാണാനാകുന്നത് തീനാളങ്ങളാണ്. ആളുകളുടെ ഭയചകിതമായ ശബ്ദങ്ങളും കേള്ക്കാം. ഉത്തര് പ്രദേശിലെ ഗാസിപുര് സ്വദേശികളായ അഞ്ചുപേരാണ് വിമാനത്തിനുള്ളിലുണ്ടായിരുന്ന ഇന്ത്യക്കാര്. അതേസമയം, അപകടത്തിന്റെ മറ്റു ചില വീഡിയോകളും പുറത്തുവന്നിട്ടുണ്ട്.
