കോഴിക്കോട് : ശബരിമല തീര്ത്ഥാടകരുടെ വാഹനം ഫറോക്ക് പാലത്തില് അപകടത്തില്പ്പെട്ടു. തീര്ത്ഥാടകര് സഞ്ചരിച്ചിരുന്ന ബസ് പാലത്തിന്റെ കമാനത്തില് ഇടിച്ചു തകരുകയായിരുന്നു. കര്ണാടകയില് നിന്നും എത്തിയ തീര്ത്ഥാടകരുടെ വാഹനമാണ് അപകടത്തില്പ്പെട്ടത്.
30 തീര്ത്ഥാടകര് വാഹനത്തില് ഉണ്ടായിരുന്നു. അപകടത്തെ തുടര്ന്ന് വാഹനം പോലീസ് സ്റ്റേഷനിലേക്ക് മാറ്റി. കമാനത്തിന് ഇടിച്ച് ബസിന്റെ മുകള്ഭാഗം പൂര്ണ്ണമായി തകര്ന്ന നിലയിലാണ്.
ലക്ഷങ്ങള് മുടക്കി ഫറോക്ക് പാലം നവീകരിച്ചതിന് പിന്നാലെ അപകടങ്ങള് തുടര്ക്കഥയായിരിക്കുകയാണ്. പാലം നവീകരിച്ചെങ്കിലും ഇതിലൂടെ രണ്ട് ബസുകള്ക്ക് ഒരേസമയം കടന്നു പോകാന് സാധിക്കില്ല. അതിനാല് ഇവിടെ പുതിയ പാലം വേണമെന്നാണ് നാട്ടുകാരുടെ ഇപ്പോഴത്തെ ആവശ്യം.
