ന്യൂദൽഹി: 80-ാമത് ഗോൾഡൻ ഗ്ലോബ് പുരസ്കാരത്തിൽ ഇന്ത്യയ്‌ക്ക് അഭിമാനമായി മാറിയ ചിത്രം ആർആർആറിനെ പ്രശംസിച്ച് പ്രധാനമന്ത്രി നരേന്ദ്ര മോദി. വളരെ സവിശേഷമായ നേട്ടമാണ് ആര്‍ആര്‍ആര്‍ ടീം കൈവരിച്ചതെന്നാണ് പ്രധാനമന്ത്രി പറഞ്ഞു. ട്വിറ്ററിലൂടെയാണ് നരേന്ദ്ര മോദി അഭിനന്ദനം അറിയിച്ചത്.
സിനിമയുടെ സംഗീത സംവിധായകൻ എംഎം കീരവാണി, സംവിധായകൻ രാജമൗലി ഉൾപ്പടെയുള്ള അണിയറ പ്രവർത്തകരുടെ പേരുകൾ എടുത്തു പറഞ്ഞു കൊണ്ടുള്ളതാണ് അദ്ദേഹത്തിന്റെ ട്വീറ്റ്. ‘വളരെ സവിശേഷമായ ഒരു നേട്ടമാണിത്. എംഎം കീരവാണിയെ അഭിനന്ദിക്കുന്നു. ഗാനത്തിന് പിന്നില്‍ പ്രവര്‍ത്തിച്ച പ്രേം രക്ഷിത്, കാലഭൈരവ, ചന്ദ്രബോസ്, രാഹുൽസിപ്ലിഗുഞ്ച്, രാജമൗലി, ജൂനിയര്‍ എന്‍ടിആര്‍, രാംചരണ്‍ തുടങ്ങിയ എല്ലാ ആര്‍ആര്‍ആര്‍ അണിയറ പ്രവർത്തകരെയും അഭിനന്ദിക്കുന്നു.
ഈ അഭിമാനകരമായ നേട്ടം ഓരോ ഇന്ത്യക്കാരനേയും അഭിമാനം കൊള്ളിക്കുന്നതാണ്’ പ്രധാനമന്ത്രി ട്വീറ്റ് ചെയ്തു.
