കണ്ണൂര്: മദ്യലഹരിയില് കാര് ഓടിച്ച് ഈയിടെ സ്കൂട്ടര് യാത്രികരായ ദമ്പതികളെ ഇടിച്ചുവീഴ്ത്തിയ റസീന (29) എന്ന യുവതി പതിവായി അക്രമാസക്തയാകുന്നതിനാല് പൊലീസിന് തലവേദനയായി മാറുന്നു.
ഏറ്റവും ഒടുവില് തലശേരിയിലെ ഒരു സ്വകാര്യ ആശുപത്രിയില് മദ്യലഹരിയില് ജീവനക്കാരുമായി തട്ടിക്കയറിയതിന്റെ വീഡിയോ വൈറലായി പ്രചരിക്കുകയാണ്. ജീവനക്കാരെ കയ്യേറ്റം ചെയ്യുന്ന, അസഭ്യവാക്കുകള് പറയുന്ന റസീനയുടെ വീഡിയോ സമൂഹമാധ്യമങ്ങളില് പരക്കുന്നു.
രണ്ടു മാസം മുന്പാണ് മദ്യലഹരിയില് കാറോടിച്ച റസീന സ്കൂട്ടര് യാത്രക്കാരായ ദമ്പതികളെ ഇടിച്ചിട്ടത്. ദമ്പതികള്ക്കും കുട്ടിക്കും പരിക്കേറ്റെങ്കിലും തന്റെ കുറ്റമല്ലെന്ന് വരുത്തിതീര്ക്കാന് റസീന കാറില് നിന്നിറങ്ങി വഴക്കുണ്ടാക്കുകയായിരുന്നു. അപകടവാര്ത്തയറിഞ്ഞ് ഓടിയെത്തിയ ചില രെ റസീന കൈകാര്യം ചെയ്യുകയും ചെയ്തു. അന്ന് പൊലീസ് റസീനയ്ക്കെതിരെ കേസെടുത്തിരുന്നു. അതിനിടെയാണ് ഇപ്പോള് സ്വകാര്യആശുപത്രിയില് പ്രശ്നമുണ്ടാക്കിയിരിക്കുന്നത്.
