പി.കെ. സദാശിവന്പിള്ള
മേടക്കൂറ്: അശ്വതി, ഭരണി, കാര്ത്തിക 1/4
ബിസിനസ് അഭിവൃദ്ധിപ്പെടും. ബാങ്കിലോ ധനകാര്യ സ്ഥാപനങ്ങളിലോ ജോലി ലഭിക്കും. ഉന്നതരായ ഉദ്യോഗസ്ഥരില്നിന്ന് സഹായങ്ങളുണ്ടാകും. സര്ക്കാര് കരാറുകള് ഏറ്റെടുക്കും. വ്യാപാരം വികസിപ്പിക്കാന് ശ്രമിക്കും. ഭൂമി വാങ്ങിക്കും.
ഇടവക്കൂറ്: കാര്ത്തിക 3/4, രോഹിണി, മകയിരം 1/2
എല്ലാ രംഗങ്ങളിലും പൗരുഷം പ്രദര്ശിപ്പിക്കും. വിദേശയാത്രയ്ക്കുദ്ദേശിക്കുന്നവര്ക്ക് ആഗ്രഹം സാധിക്കും. നഷ്ടപ്പെട്ടെന്നു കരുതിയ സാധനങ്ങള് തിരിച്ചുകിട്ടും. പിതാവിന് ചില അസുഖം ബാധിച്ചേക്കാം. ചില എഗ്രിമെന്റുകളില് ഒപ്പുവെക്കും.
മിഥുനക്കൂറ്: മകയിരം 1/2, തിരുവാതിര, പുണര്തം 3/4
ഉദ്യോഗത്തില് പ്രമോഷന് ലഭിക്കും. സന്താനജന്മംകൊണ്ട് വീട് അനുഗ്രഹീതമാകും. ഊഹക്കച്ചവടത്തില് നല്ല ആദായം പ്രതീക്ഷിക്കാം. സഹോദരങ്ങളുടെ വിവാഹക്കാര്യത്തില് തീരുമാനമാകും. പുതിയ ജോലിയില് പ്രവേശിക്കാനവസരമുണ്ടാകും.
കര്ക്കടകക്കൂറ്: പുണര്തം 1/4, പൂയം, ആയില്യം
സര്ക്കാരില്നിന്നും ഉന്നതരായ വ്യക്തികളില്നിന്നും പലവിധ സഹായങ്ങളും പ്രതീക്ഷിക്കാം. കുടുംബത്തില് ശ്രേയസ്സ് വര്ധിക്കും. ഒന്നിലധികം കേന്ദ്രങ്ങളില്നിന്ന് വരുമാനമുണ്ടാകും. മെഡിസിന് പ്രവേശനം കാത്തിരിക്കുന്നവര്ക്ക് ആഗ്രഹം സാധിക്കും.
ചിങ്ങക്കൂറ്: മകം, പൂരം, ഉത്രം 1/4
തൊഴില്രംഗത്ത് പുരോഗതിയുണ്ടാകും. എല്ലാ പ്രശ്നങ്ങളെയും ശുഭാപ്തിവിശ്വാസത്തോടെ സമീപിക്കും. വിദ്യാഭ്യാസത്തില് പുരോഗതിയുണ്ടാകും. കുടുംബത്തില് ഐശ്വര്യം വര്ധിക്കും. സാമ്പത്തികനേട്ടത്തിനായി അധ്വാനിച്ച് പ്രവര്ത്തിക്കും.
കന്നിക്കൂറ്: ഉത്രം 3/4, അത്തം, ചിത്തിര 1/2
ഭാര്യയുടെ വക സ്വത്ത് അധീനതയില് വന്നുചേരും. കൃഷിയില്നിന്നുള്ള വരുമാനം വര്ധിക്കും. പിതാവിന് ശ്രേയസ്സ് വര്ധിക്കും. പല പ്രശ്നങ്ങളും സമാധാനപരമായി പരിഹരിക്കും. നഷ്ടപ്പെട്ടെന്നു കരുതിയ വസ്തുക്കള് തിരിച്ചുകിട്ടും. പാര്ട്ണര്ഷിപ്പ് മുഖേന നേട്ടമുണ്ടാകും.
തുലാക്കൂറ്: ചിത്തിര 1/2, ചോതി, വിശാഖം 3/4
മറ്റുള്ളവരുടെ പ്രശംസ നേടിയെടുക്കും. ആദായമുദ്ദേശിച്ച് ചെയ്യുന്ന എല്ലാ പ്രവര്ത്തനങ്ങളും വിജയിക്കും. ദൂരയാത്രകള് വേണ്ടിവരും. റിസര്ച്ച് വിദ്യാര്ത്ഥികള്ക്ക് അനുകൂല സമയമാണ്. സാമ്പത്തികമായും സാമൂഹികമായും ചില നേട്ടങ്ങളുമുണ്ടാകും.
വൃശ്ചികക്കൂറ്: വിശാഖം 1/4, അനിഴം, തൃക്കേട്ട
കമ്പ്യൂട്ടര്, ഹാര്ഡ്വെയര് എന്നിവയുമായി ബന്ധപ്പെട്ട് പ്രവര്ത്തിക്കുന്നവര്ക്ക് അനുകൂലമാണ്. എല്ലാ രംഗങ്ങളിലും ഭാഗ്യത്തിന്റെ അകമ്പടിയോടെ വിജയം കൈവരിക്കും. വാടക, എഗ്രിമെന്റ് എന്നിവ സംബന്ധിച്ച് ചില വിഷമതകള് ഉണ്ടായെന്ന് വരും.
ധനുക്കൂറ്: മൂലം, പൂരാടം, ഉത്രാടം 1/4
എല്ലാ പ്രശ്നങ്ങള്ക്കും നയതന്ത്രപൂര്വം പരിഹാരം കണ്ടെത്താന് കഴിയും. സന്താനങ്ങളെക്കൊണ്ട് മനസ്സിന് വിഷമം വരുന്ന സംഗതികള് നടന്നേക്കാം. വീട്ടില് പൂജാദികര്മങ്ങള് നടക്കാനിടയുണ്ട്. പൊതുവേ അന്തസ്സുയരുന്നതാണ്. യന്ത്രങ്ങളുമായി ബന്ധപ്പെട്ട വ്യാപാരങ്ങളില് കൂടുതല് നേട്ടമുണ്ടാകും.
മകരക്കൂറ്: ഉത്രാടം 3/4, തിരുവോണം, അവിട്ടം 1/2
ചെറുയാത്രകള്, ഉല്ലാസയാത്രകള് എന്നിവ നടത്തും. വിദ്യാഭ്യാസത്തില് തോല്വി ഉണ്ടാകാനിടയുണ്ട്. ഇന്ഷുറന്സ്, പ്രോമിസറി നോട്ട് എന്നിവയില് നിന്ന് പണം ഈടായിക്കിട്ടും. പോലീസ്, പട്ടാളം എന്നീ മേഖലയിലുള്ളവര്ക്ക് പ്രമോഷന് സാധ്യതയുണ്ട്.
കുംഭക്കൂറ്: അവിട്ടം 1/2, ചതയം, പൂരുരുട്ടാതി 3/4
സര്ക്കാര് ആനുകൂല്യങ്ങള് ലഭിക്കും. ദൈവിക ചടങ്ങുകളില് പങ്കെടുക്കും. ടെസ്റ്റുകളിലും ഇന്റര്വ്യുകളിലും വിജയിക്കും. സിവില് കേസുകളില് അനുകൂലമായ വിധിയുണ്ടാകും. വിദേശത്തുനിന്ന് ധനാഗമമുണ്ടാകും.
മീനക്കൂറ്: പൂരുരുട്ടാതി 1/4, ഉതൃട്ടാതി, രേവതി
കുടുംബത്തില് സമാധാനവും സ്വസ്ഥതയും ഉണ്ടാകും. ശത്രുക്കളെ പരാജയപ്പെടുത്തും. പൊതുജനങ്ങളുമായുള്ള ബന്ധം തൃപ്തികരമായിരിക്കും. വസ്ത്രങ്ങള്ക്കും ഗൃഹോപകരണങ്ങള്ക്കുമായി പണം ചെലവഴിക്കും. ഭൂമിയില്നിന്ന് ആദായം ലഭിക്കും.
