കാബൂള് : അഫ്ഗാനിസ്ഥാനിലെ കാബൂളില് സൈനിക വിമാനത്താവളത്തിന് പുറത്ത് സ്ഫോടനം. ഞായറാഴ്ച രാവിലെയാണ് എട്ട് മണിയോടെയാണ് സ്ഫോടനമുണ്ടായത്. നിരവധിപേര് കൊല്ലപ്പെട്ടതായി താലിബാന് ആഭ്യന്തര മന്ത്രാലയത്തിന്റെ വക്താവ് അബ്ദുള് നാഫി ടാക്കൂര് എജന്സിയോട് പ്രതികരിച്ചു.
അന്താരാഷ്ട്ര വിമാനത്താവളത്തിനടുത്തുള്ള കെട്ടിടത്തിലാണ് സ്ഫോടനം നടന്നത്. വിമാനത്താവളത്തിന്റെ ഗേറ്റിലായിരുന്നു സ്ഫോടനം. ഇവിടെ സ്ഥാപിച്ചിരുന്ന സ്ഫോടക വസ്തു പൊട്ടിത്തെറിക്കുകയായിരുന്നു. സംഭവത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. സ്ഫോടനത്തിന്റെ കാരണം വ്യക്തമല്ലെന്നും സംഭവത്തില് അന്വേഷണം നടക്കുകയാണ്. മരിച്ചവരുടെ എണ്ണം സംബന്ധിച്ച് കൃത്യമായ വിവരങ്ങള് ഇതുവരെ ലഭിച്ചിട്ടില്ല. നിരവധി പേര്ക്ക് പരിക്കേറ്റിട്ടുണ്ടെന്നും അബ്ദുള് നാഫി ടാക്കൂര് പറഞ്ഞു.
വിമാനത്താവളത്തിന്റെ സൈനിക ഭാഗത്തിന് സമീപം രാവിലെ എട്ട് മണിക്ക് വലിയ സ്ഫോടനം കേട്ടതായി പ്രദേശവാസികള് റിപ്പോര്ട്ട് ചെയ്തിട്ടുണ്ട്. പ്രദേശം സുരക്ഷാ സേന വളഞ്ഞിരിക്കുകയാണ്. എല്ലാ റോഡുകളും അടച്ച് പരിശോധന കര്ശ്ശനമാക്കിയിരിക്കുകയാണ്.
