പാലക്കാട് : ഇന്ധനം തീര്ന്നതിനെ തുടര്ന്ന് പെരുവഴിയില് കുടുങ്ങി കെഎസ്ആര്ടിസി സ്വിഫ്റ്റ് ബസ്. വെള്ളിയാഴ്ച രാവിലെ ഒമ്പത് മണിയോടെയാണ് സംഭവം. ഡീസല് തീര്ന്നതിനെ തുടര്ന്ന് ചെന്നൈ എറണാകുളം എസി സ്ലീപ്പര് ബസ് ഓഫാവുകയായിരുന്നു.
പാലക്കാട് പന്നിയങ്കര ടോള് പ്ലാസയ്ക്ക് സമീപത്തുവെച്ചാണ് ബസ് ഓഫായത്. ബസ് ജീവനക്കാര് സമീപത്തെ പമ്പില് നിന്ന് ഡീസല് കൊണ്ടുവന്ന് ഒഴിച്ചെങ്കിലും ബസ് സ്റ്റാര്ട്ടായില്ല. ഡീസല് ടാങ്ക് മുഴുവന് വറ്റിപ്പോയതാണ് കാരണം. ഇതോടെ യാത്രക്കാരെല്ലാം കിട്ടിയ വണ്ടികളില് കയറി യാത്ര തുടരുകയായിരുന്നു.
വഴിയില് കുടുങ്ങി കിടക്കുന്ന സ്വിഫ്ടിനെ വടക്കാഞ്ചേരി ഡിപ്പോയില് നിന്നും ജീവനക്കാരെത്തി ബസ് മാറ്റാനുള്ള ശ്രമം നടത്തി വരികയാണ്. കഴിഞ്ഞ ദിവസം മല്ലപ്പള്ളിയില് കെഎസ്ആര്ടിസി ബസ് നിയന്ത്രണം വിട്ട് കെഎസ്ആര്ടിസി ബസ് മതിലിലിടിച്ചും അപകടം ഉണ്ടായിരുന്നു.
