തിരുവനന്തപുരം: സോളാര് പീഡനക്കേസില് മുന് മുഖ്യമന്ത്രി ഉമ്മന് ചാണ്ടിക്കും എ പി അബ്ദുള്ളക്കുട്ടിക്കും സിബിഐ ക്ലീന് ചിറ്റ് നല്കി. പരാതിയില് കഴമ്പില്ലെന്ന് കാണിച്ച് സിജെഎം കോടതിയില് സിബിഐ റിപ്പോര്ട്ട് നല്കി. പരാതിക്കാരിയുടെ മൊഴികളില് വൈരുധ്യമെന്നും സിബിഐ വ്യക്തമാക്കി. ഇതോടെ ഇടതു സര്ക്കാര് കൈമാറിയ എല്ലാ കേസിലേയും പ്രതികളെ സിബിഐ കുറ്റവിമുക്തരാക്കി. ഉമ്മന് ചാണ്ടി പരാതിക്കാരിയെ ക്ലിഫ് ഹൗസില് വച്ച് പീഡിപ്പിച്ചുവെന്നായിരുന്നു ആരോപണം.
എന്നാല് ഇതില് വസ്തുകളില്ലെന്നാണ് സിബിഐ കണ്ടെത്തിയത്. ഈ ദിവസം ഉമ്മന്ചാണ്ടി ക്ലിഫ് ഹൗസില് ഇല്ലായിരുന്നെന്നും സിബിഐ കണ്ടെത്തി. തിരുവനന്തപുരം മസ്കറ്റ് ഹോട്ടലില് വച്ച് അബ്ദുള്ളക്കുട്ടി പീഡിപ്പിച്ചുവെന്നായിരുന്നു മറ്റൊരു പരാതി. എന്നാല് ഈ ആരോപണത്തിലും തെളിവുകളില്ലെന്നും സിബിഐ കോടതിയെ അറിയിച്ചു. സോളാര് പീഡനക്കേസില് ആറ് കേസുകളാണ് സിബിഐ രജിസ്റ്റര് ചെയ്തിരുന്നത്. കേസില് നേരത്തേ ഹൈബി ഈഡന്, അടൂര് പ്രകാശ്, എ പി അനില് കുമാര്, കെ സി വേണുഗോപാല് എന്നിവര്ക്ക് സിബിഐ ക്ലീന് ചിറ്റ് നല്കിയിരുന്നു. െ്രെകബ്രാഞ്ച് ആണ് പരാതിയില് ആദ്യം കേസെടുത്തത്. പിന്നീട് സര്ക്കാര് കേസ് സിബിഐക്ക് കൈമാറുകയായിരുന്നു.
