തിരുവനന്തപുരം: കോട്ടയത്തെ കെ.ആര്‍.നാരായണന്‍ ഇന്‍സ്റ്റിറ്റ്യൂട്ടിലെ വിദ്യാര്‍ത്ഥി സമരത്തെ അനുകൂലിച്ച് അടൂര്‍ ഗോപാലകൃഷ്ണനെതിരെ ആഷിഖ് അബുവും സജിത മഠത്തിലും കമലും. ഇന്‍സ്റ്റിറ്റ്യൂട്ട് ഡയറക്ടറായ ശങ്കര്‍ മോഹനെ അടൂര്‍ ഗോപാലകൃഷ്ണന്‍ സംരക്ഷിക്കുന്നു എന്ന് ആരോപിച്ചായിരുന്നു ആഷിഖ് അബുവും സജിത മഠത്തിലും കമലും പ്രതിഷേധിച്ചത്.
ചലച്ചിത്രമേളയുടെ പ്രധാന വേദിയായ ടാഗോറില്‍ കെ.ആര്‍.നാരായണന്‍ ഇന്‍സ്റ്റിറ്റ്യൂട്ടിലെ വിദ്യാര്‍ത്ഥികള്‍ പ്രതിഷേധിച്ചിരുന്നു. വിദ്യാര്‍ത്ഥികളോട് ഐക്യദാര്‍ഡ്യം പ്രഖ്യാപിച്ച് അടൂരിനെതിരെ കമല്‍, ആഷിഖ് അബു, ജിയോ ബേബി, മഹേഷ് നാരായണന്‍, സജിത മഠത്തില്‍, വിധു വിന്‍സെന്‍റ്, ബിജിപാല്‍, ഷാബാസ് അമന്‍, കമാല്‍ കെ.എം. ശീതള്‍ എന്നിവരും പ്രതിഷേധിച്ചിരുന്നു.
എത്ര ഉന്നതനായ ചലച്ചിത്രകാരന്‍ മുകളിലിരുന്ന് ചരട് വലിച്ചാലും സമരം വിജയിക്കും വരെ കൂടെയുണ്ടാകുമെന്ന് ആഷിക് അബു പ്രസംഗിച്ചിരുന്നു. അടൂരിനെ ഉന്നം വെച്ചായിരുന്നു ആഷിക് അബുവിന്റെ ഈ പരാമര്‍ശം.
