കൊച്ചി: ഉണ്ണി മുകുന്ദനെ അനുകൂലിച്ചും ബാലയെ എതിര്ത്തും ഷെഫീക്കിന്റെ സന്തോഷം എന്ന സിനിമയില് അഭിനയിച്ച് നടി ആത്മീയ രാജന് രംഗത്ത്. സിനിമയില് അഭിനയിച്ച് സ്ത്രീകള്ക്ക് മാത്രമേ ശമ്പളം ലഭിച്ചുള്ളൂ എന്നും ആണുങ്ങളായ ആര്ട്ടിസ്റ്റുകള്ക്ക് ലഭിച്ചില്ല എന്നുമുള്ള ബാലയുടെ ആരോപണം തെറ്റിദ്ധാരണ ഉണ്ടാക്കുന്ന ഒന്നാണെന്നാണ് ആത്മീയ രാജന് പ്രതികരിച്ചത്. സ്ത്രീകളുടെ കാര്യം പറയുമ്പോഴുള്ള മൂളവും ധ്വനിയും മോശമായ രീതിയിലാണ് കാണുന്നവര്ക്ക് തോന്നുക എന്നും അതുകൊണ്ടാണ് പ്രതികരിക്കുന്നതെന്നും ആത്മീയ രാജന് പറഞ്ഞു.
ശമ്പളം കിട്ടിയോ ഇല്ലയോ എന്നത് തന്റെ മാത്രം കാര്യമാണ്, ശമ്പളം കിട്ടിയില്ല എന്ന് അവര് തന്നെ മുന്നിട്ടിറങ്ങി പറയാത്തിടത്തോളം കാലം ഇത് മറ്റുള്ളവരുടെ പ്രശ്നമാകുന്നില്ലെന്ന എന്നും ആത്മീയ പറഞ്ഞു.
ബാലയുടെ ടാര്ഗറ്റ് വേറെയായിക്കാം. പക്ഷെ സ്ത്രീകളെ വെറുതെ വലിച്ചിഴക്കേണ്ട കാര്യമില്ലായിരുന്നു. ഞാനും പ്രൊഡക്ഷന് കമ്പനിയും തമ്മില് മാത്രമുള്ള കാര്യമാണ് ശമ്പളത്തിന്റേതെന്നും ആരോപണത്തില് സ്ത്രീകളുടെ കാര്യം പറഞ്ഞതുകൊണ്ടാണ് ഇടപെടേണ്ടി വന്നതെന്നും ആത്മീയ രാജന് വ്യക്തമാക്കി.
അതേ സമയം വിവാദത്തില് ബാലയെ പിന്തുണയ്ക്കുന്നു എന്ന് പറഞ്ഞ് നടി അഞ്ജലി അമീര് രംഗത്തെത്തി. ജൂനിയര് ആര്ട്ടിസ്റ്റുകള്ക്ക് പോലും 3000 മുതല് 5000 രൂപ വരെ കിട്ടുമ്പോള് ബാലയെപ്പോലെ ഒരു നടന് ദിവസം 10000 രൂപ കൊടുത്തു എന്ന് പറയുന്നത് ശരിയല്ലെന്നും ഉണ്ണി മുകുന്ദന്റെ കണക്കില് താളപ്പിഴകളുണ്ടെന്നും അഞ്ജലി അമീര് ആരോപിച്ചു.
