തിരുവനന്തപുരം: മുഖ്യമന്ത്രി പിണറായി വിജയന്റെ ഔദ്യോഗിക വസതിയായ ക്ലിഫ് ഹൗസില് വെടിപൊട്ടി. ഡ്യൂട്ടിയില് ഉണ്ടായിരുന്ന പോലീസുകാരന്റെ തോക്കില്നിന്ന് അബദ്ധത്തില് വെടിപൊട്ടിയതെന്നാണ് വിശദീകറണം. ആര്ക്കും പരിക്കേറ്റിട്ടില്ല. അതീവസുരക്ഷാ മേഖലയാണ് ക്ലിഫ് ഹൗസ്. അതിനാല് വിഷയം ഗൗരവതരമാണ്. പോലീസ് അന്വേഷണം ആരംഭിച്ചിട്ടുണ്ട്.
ചൊവ്വാഴ്ച രാവിലെ, മുഖ്യമന്ത്രി നിയസഭയിലേക്ക് പുറപ്പെട്ടതിന് പിന്നാലെ ഒന്പതരയോടെയാണ് സംഭവം. ക്ലിഫ് ഹൗസിലെ ഗേറ്റില് ഗാര്ഡ് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥന്റെ പക്കലുണ്ടായിരുന്ന തോക്കില്നിന്നാണ് വെടിപൊട്ടിയത്. തോക്ക് വൃത്തിയാക്കുന്നതിനിടെ അബദ്ധത്തില് സംഭവിച്ചതെന്നാണ് പോലീസ് നല്കുന്ന വിശദീകരണം. തോക്ക് അശ്രദ്ധമായി കൈകാര്യം ചെയ്തതിന് ഉത്തരവാദികള്ക്കെതിരെ നടപടിയുണ്ടാകും.
