ചെന്നൈ: സിനിമയിലും സീരിയലിലും അഭിനയിക്കാന് അവസരവും ജോലിയും വാഗ്ദ്ധാനം ചെയ്ത് യുവതികളെ പെണ്വാണിഭത്തിനായി ഉപയോഗിച്ച കേസില് മലയാളി ചെന്നൈയില് അറസ്റ്റില്. തൃശൂര് മൂരിയാട് സ്വദേശി കെ കിരണ് (29) ആണ് അറസ്റ്റിലായത്.
രഹസ്യവിവരത്തിന്റെ അടിസ്ഥാനത്തിൽ അണ്ണാനഗറിലുള്ള അപ്പാര്ട്ട്മെന്റില് ചെന്നൈ സിറ്റി പോലീസ് നടത്തിയ റെയിഡിലാണ് ഇയാള് പിടിയിലായത്. ഇവിടെ നിന്ന് വിദേശവനിത ഉൾപ്പടെ രണ്ട് യുവതികളെയും പോലീസ് രക്ഷപ്പെടുത്തി. റെയ്ഡിനിടെ രക്ഷപ്പെട്ട കിരണിന്റെ കൂട്ടാളികള്ക്കായി തെരച്ചില് ആരംഭിച്ചുകഴിഞ്ഞു. സ്വകാര്യ കമ്പനികളിൽ നല്ല ശമ്പളത്തിൽ ജോലി വാഗ്ദ്ധാനം ചെയ്ത് പ്രതി അന്യ സംസ്ഥാനങ്ങളില് നിന്നുള്പ്പെടെയുള്ള യുവതികളെ ചെന്നൈയിലെത്തിച്ച് ഭീഷണിപ്പെടുത്തി പെണ്വാണിഭത്തിന് ഉപയോഗിച്ചിട്ടുണ്ടെന്ന് പോലീസ് പറഞ്ഞു.
കോടതിയില് ഹാജരാക്കിയ കിരണിനെ റിമാന്ഡ് ചെയ്തു. കിരൺ ഇടനിലക്കാരനായി നിന്നാണ് പെൺകുട്ടികളെ അപ്പാർട്ടുമെന്റുകളിലും ബംഗ്ലാവുകളിലും കൊണ്ടുപോയിരുന്നതെന്നും കണ്ടെത്തി.
