കൊച്ചി: പ്രമുഖ ചലച്ചിത്ര താരത്തെ ഓടുന്ന കാറില്‍ ബലാത്സംഗം ചെയ്യാന്‍ ശ്രമിച്ച സംഭവത്തിനെ ശേഷം സമാനമായ സംഭവത്തില്‍ ഞെട്ടിവിറച്ച് കൊച്ചി നഗരം. മോഡലായ യുവതിയെയാണ് ഓടുന്ന കാറില്‍ മൂന്ന് യുവാക്കള്‍ കൂട്ടബലാത്സംഗത്തിന് ഇരയാക്കിയത്.
കൊച്ചിയില്‍ ഒരു ബാറില്‍ നിന്നാണ് ഈ മോഡലായ യുവതിയെ യുവാക്കള്‍ കാറില്‍ കയറ്റിക്കൊണ്ട് പോയത്. അമിതമായി മദ്യപിച്ച യുവതി കുഴ‍ഞ്ഞുവീഴുന്ന അവസ്ഥയിലായിരുന്നു അവരെ യുവാക്കള്‍ കാറില്‍ കയറ്റിക്കൊണ്ടുപയോത്. ഈ യാത്രയിലാണ് മൂന്ന് പേരും യുവതിയെ ബലാത്സംഗത്തിന് വിധേയമാക്കിയത്. ഈ യുവതി യുവാക്കളുടെ പിടിയിലകപ്പെടാന്‍ ഒരു കൂട്ടുകാരി സഹായിച്ചതായി പറയുന്നു. ബലാത്സംഗത്തിന് ശേഷം അവശയായ യുവതിയെ ചെറുപ്പക്കാര്‍ കാക്കനാട്ട് ഇറക്കിവിട്ടു.
ഒരു സുഹൃത്താണ് പൊലീസിനെ വിവരം അറിയിച്ചത്. ഇതേ തുടര്‍ന്ന് അന്വേഷണത്തിനൊടുവില്‍ കൊടുങ്ങല്ലൂര്‍ സ്വദേശികളായ മൂന്ന് പേരെയും യുവാക്കലെ ഈ ദൗത്യത്തില്‍ സഹായിച്ച മോഡലിന്റെ സുഹൃത്തായ മറ്റൊരു യുവതിയെയും അറസ്റ്റ് ചെയ്തിട്ടുണ്ട്.
