ഹരിപ്പാട്: മണ്ണാറശ്ശാല ശ്രീനാഗരാജ ക്ഷേത്രത്തിലെ ആയില്യ മഹോത്സവത്തോടനുബന്ധിച്ച് നാളെ പുണര്തംസന്ധ്യയില് മഹാദീപക്കാഴ്ചയും, ശ്രീനാഗരാജപുരസ്കാര സമ്മേളനവും നടക്കും. വൈകിട്ട് മൂന്നിന് പുരസ്കാര സമ്മേളനം മുന് ചീഫ് സെക്രട്ടറി ജയകുമാര് ഐഎഎസ് ഉദ്ഘാടനം ചെയ്യും.
ഒമ്പതാമത് നാഗരാജ പുരസ്കാരത്തിന് അര്ഹരായ സദനം വാസുദേവന് (വാദ്യം) പദ്മഭൂഷണ് ഡോ. ടി.വി. ഗോപാലകൃഷ്ണന് (ഗീതം) പത്മശ്രീ കലാമണ്ഡലം ശിവന് നമ്പൂതിരി (നാട്യം) കലാമണ്ഡലം സുഗന്ധി (നൃത്തം) എന്നിവരെ ആദരിക്കും. വൈകിട്ട് അഞ്ചിന് ക്ഷേത്രത്തിലെ മുതിര്ന്ന കാര്ണ്ണവര് ശ്രീകോവിലിലെ ദീപം പകരുന്നതോടെ മഹാദീപക്കാഴ്ചക്ക് തുടക്കമാകും. വൈകിട്ട് 7.30ന് നര്ത്തകി രമാ വൈദ്യനാഥന് അവതരിപ്പിക്കുന്ന നടനാഞ്ജലിയും പുണര്തം സന്ധ്യക്ക് അരങ്ങേറും.
