കോഴിക്കോട്: ഹിജാബ് കത്തിച്ച് കോഴിക്കോട്ട് പ്രതിഷേധം. ഇറാനില് നടക്കുന്ന ഹിജാബ് വിരുദ്ധ പ്രക്ഷോഭത്തിന് ഐക്യദാര്ഢ്യം പ്രഖ്യാപിച്ചാണ് പ്രതിഷേധം നടന്നത്. ഇന്ത്യ ഈ വിഷയത്തില് ഐക്യദാര്ഢ്യം നല്കിയതല്ലാതെ രാജ്യത്ത് ഇതുവരെ എങ്ങും ഹിജാബ് കത്തിച്ച് പ്രകടനം ഉണ്ടായിട്ടില്ല. കോഴിക്കോട്ടെ നടന്ന പ്രതിഷേധം പലരേയും ഞെട്ടിച്ചിട്ടുണ്ട്.
ഇന്ന് വൈകിട്ട് കോഴിക്കോട്ട് ടൗണ്ഹാളില് ഇസ്ലാമിക സ്വതന്ത്ര ചിന്തകരുടെ സംഘടന നടത്തിയ സ്വതന്ത്ര ചിന്ത സെമിനാറിന് ഒടുവിലാണ് ഹിജാബ് കത്തിച്ചത്. ഇസ്ലാമിക മതമൗലികവാദികള്ക്ക് ഇത് ഞെട്ടലുണ്ടക്കിയെന്നാണ് റിപ്പോര്ട്ട്. കോഴിക്കോട് നഗരത്തിലെ പ്രൊവിഡന്സ് വനിതാ കോളെജില് ഹിജാബ് അനുവദിക്കാത്തതിനെതിരേ പ്രതിഷേധങ്ങള് നടക്കവേയാണ് നഗരത്തില് ഹിജാബ് കത്തിച്ച് സ്വതന്ത്ര ചിന്തകര് മതമൗലികവാദികളെ വെല്ലുവിളിച്ചിരിക്കുന്നത്.
