മലപ്പുറം മഞ്ചേരി മേലാക്കത്ത് കള്ളനോട്ടുകള്‍ കത്തിച്ച് തോട്ടില്‍ ഉപേക്ഷിച്ച നിലയില്‍

മഞ്ചേരി: മഞ്ചേരി മേലാക്കത്ത് കള്ളനോട്ടുകള്‍ തോട്ടില്‍ ഉപേക്ഷിച്ച നിലയില്‍ കണ്ടെത്തി. കവറില്‍ കത്തിച്ച് വലിച്ചെറിഞ്ഞ നിലയിലാണ് കണ്ടെത്തിയത്. ഇതുവഴി നടന്നു പോയ ഒരു സ്ത്രീയാണ് അദ്യം കണ്ടത്. തുടര്‍ന്ന് മറ്റുള്ളവരെ അറിയുകയായിരുന്നു. വെള്ളത്തിലെ ചളിയില്‍ കുടുങ്ങിക്കിടക്കുന്ന നിലയിലാണ് നോട്ടുകള്‍ കണ്ടെത്തിയത്. സംഭവം അറിഞ്ഞ ഉടനെ ബിജെപി പ്രവര്‍ത്തകര്‍ എത്തുകയും പോലീസിനെ വിവരം അറിയിക്കുകയും ചെയ്തു. തുടര്‍ന്ന് പോലീസ് എത്തി വെള്ളത്തില്‍ നിന്ന് നോട്ടുകള്‍ എടുക്കുകയും ചെയ്തു. 6എഎ223365 എന്ന സീരിയലില്‍ നമ്പര്‍ പ്രകാരം 500 രൂപയുടെ നോട്ടുകള്‍ ആയിരുന്നു എല്ലാം . സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്. വ്യജ നോട്ടുകള്‍ കത്തിച്ച് ഉപേക്ഷിച്ച നിലയില്‍ കണ്ടെത്തിയത് വളരെ ഗൗരവമായി കാണണമെന്നും സംഭവത്തില്‍ തീവ്രവാദ സ്വാഭാവ ഉണ്ടോ എന്നും സമഗ്രമായി അന്വേഷിക്കണമെന്ന് ബി.ജെ.പി മഞ്ചേരിമണ്ഡലം പ്രസിഡന്റ് കെ. ജ്യോതിഷ് ആവശ്യപ്പെട്ടു.