തിരുവനന്തപുരം: പാറശാല ഷാരോണിനെ വിഷം നല്കി കൊന്ന കേസിലെ നിര്ണായക തെളിവ് കണ്ടെടുത്ത് പോലീസ്. ഷാരോണിന്റെ മരണത്തിന് കാരണമായി കീടനാശിനിയുടെ കുപ്പിയാണ് പോലീസ് കണ്ടെടുത്തത്. മുഖ്യപ്രതിയായ ഗ്രീഷ്മയുടെ അമ്മാവന് നിര്മല് കുമാറുമായി നടത്തിയ തെളിവെടുപ്പിനിടെയാണ് കുപ്പി കണ്ടെത്തിയത്.
രാമവര്മന് ചിറയിലുള്ള ഗ്രീഷ്മയുടെ വീട്ടില്നിന്ന് ഒരു കിലോമീറ്റര് മാറി ഒരു കുളമുണ്ട്. ആ കുളത്തിനു സമീപത്തെ കുറ്റിക്കാട്ടില്നിന്നാണ് വിഷക്കുപ്പി കണ്ടെടുത്തത്. ഷാരോണിനു നല്കിയ കഷായത്തില് ചേര്ത്ത കളനാശിനിയുടെ കുപ്പി പറമ്പിലേക്ക് എറിഞ്ഞെന്നും അമ്മാവന് അതെടുത്തു മാറ്റിയെന്നുമായിരുന്നു ഗ്രീഷ്മയുടെ മൊഴി. കേസില് അമ്മാവനെയും ഗ്രീഷ്മയുടെ അമ്മ സിന്ധുവിനെയും പൊലീസ് അറസ്റ്റ് ചെയ്തിരുന്നു. കൃത്യത്തില് ഇവരുടെ പങ്ക് തെളിഞ്ഞിട്ടുണ്ട്. ഇരുവരും ചേര്ന്ന് തെളിവുനശിപ്പിച്ചെന്നും പൊലീസ് കണ്ടെത്തി. ഷാരോണിന്റെ കൊലപാതകവുമായി ബന്ധപ്പെട്ട് ഗ്രീഷ്മയുടെ മാതാപിതാക്കളെയും അമ്മാവനെയും ഒന്നിച്ചും വെവ്വേറെയും പൊലീസ് ചോദ്യം ചെയ്തിരുന്നു.
