ഡോ. ജെസ്സിയുടെ ശ്രദ്ധേയമായ കഥാസമാഹാരമായ ഫസ്ക് എന്ന പുസ്തകത്തില് നിന്നുള്ള നാല് വ്യത്യസ്ത കഥകളുടെ ചലച്ചിത്രാവിഷ്കാരമായി നീതി. ഡോ. ജെസ്സി ആദ്യമായി സംവിധാനം ചെയ്യുന്ന ഈ ഫിലിം, ആല്വിന് ക്രീയേഷന്സിന്റെ ബാനറില് മഹേഷ് ജെയിന്, അരുണ് ജെയിന് എന്നിവര് നിര്മിക്കുന്നു.
ചിത്രത്തിന്റെ പൂജയ്ക്ക് അയ്മനം സാജന് ദീപം തെളിയിച്ചു. തുടര്ന്ന് പാലക്കാട് ചിത്രീകരണം തുടങ്ങി. ഇന്ത്യന് ഭരണഘടന പ്രകാരം തുല്യനീതി ലഭിക്കേണ്ട സ്ത്രീകള്, LGBTIQ വ്യക്തിത്വങ്ങള്, മുഖ്യധാരയില് നിന്നും ജാതീയമായ വേര്തിരിവിനാല് പിന്തള്ളപ്പെട്ട ദളിത് പിന്നാക്കക്കാരുടെ നീതിക്കായുള്ള ചെറുത്തു നില്പ്പ്, എന്നിവയാണ് നീതി എന്ന സിനിമയുടെ ഇതിവൃത്തം.
പാംസുല, എന്നിലെ നീ, കിച്ചൂട്ടന്റെ അമ്മ, മുഖമറിയാത്തവര് എന്നീ സിനിമകളാണ് നീതിയില് ഉള്പ്പെടുത്തിയിരിക്കുന്നത്. പ്രായപൂര്ത്തിയായ ഒരു സ്ത്രിക്കും, പുരുഷനും ഒന്നിച്ചു ജീവിക്കാന് ഭരണഘടന ഉറപ്പു നല്കുന്നതുമായി ബന്ധപ്പെട്ട കഥയാണ് പാംസുല പറയുന്നത്. രണ്ട് പുരുഷന്മാര് തമ്മിലുള്ള പ്രണയത്തിന്റെ കഥയാണ് എന്നിലെ നീ, ഒരു ട്രാന്സ് മെന്നിന്റേയും, ട്രാന്സ് വുമണിന്റേയും ജീവിത കഥയാണ് കിച്ചൂട്ടന്റെ അമ്മ, രാഷ്ട്രീയ പാര്ട്ടികളുടെ അടിമകളായി മാറിയ ദലീത്, ആദിവാസി വിദ്യാര്ത്ഥികളുടെ കഥയാണ് മുഖമറിയാത്തവര്. നാല് ചിത്രങ്ങളുടെയും ചിത്രീകരണം, പാലക്കാട്, തൃശൂര് എന്നിവിടങ്ങളിലായി പൂര്ത്തിയാവും.
കഥ, സംഭാഷണം, സംവിധാനം -ഡോ. ജെസ്സി നിര്വ്വഹിക്കുന്നു. ഡിഒപി – ടി.എസ്.ബാബു, തിരക്കഥ – ബാബു അത്താണി, എക്സിക്യൂട്ടീവ് പ്രൊഡ്യൂസര് – വിനീത് വി, എഡിറ്റിംഗ് – ഷമീര്, പിആര്ഒ- അയ്മനം സാജന്, ശിവജി ഗുരുവായൂര്, ലതാ മോഹന്, സജന, അനുരുദ്ധ്, അഖിലേഷ്, കവിത, താര, രമ്യ, ഉണ്ണിമായ, ലക്ഷ്മണന് ,രജനീഷ് നിബോദ്, വിജീഷ്, ശ്രീനാഥ്, പ്രഭു തുടങ്ങിയവരോടൊപ്പം ഒരു വന് താരനിര അഭിനയിക്കുന്നു.
