കോട്ടയം : കോട്ടയത്ത മദ്യലഹരിയില് ഭര്ത്താവ് ഭാര്യയുടെ കൈവെട്ടി. കാണക്കാരി സ്വദേശി മഞ്ജുവിന്റെ(42) കൈയ്യാണ് വഴക്കിനെ തുടര്ന്ന് ഭര്ത്താവ് പ്രദീപ് വെട്ടിമാറ്റിയത്.
മഞ്ജുവിന്റെ ഒരു കൈ അറ്റുതൂങ്ങിയ നിലയില് ആയിരുന്നു. വലത് കൈയിലെ മൂന്ന് വിരലുകള് അറ്റുപോയിട്ടുണ്ട്. മര്ദ്ദനത്തില് ചൂണ്ടിനും പുറത്തെ തോളെല്ലിനും വെട്ടേറ്റിട്ടുണ്ട്. തലയ്ക്ക് പുറത്ത് അടിയേറ്റിട്ടുണ്ട്. മഞ്ജുവിനെ നിലവില് കോട്ടയം മെഡിക്കല് കോളേജ് ഐസിയുവില് പ്രവേശിപ്പിച്ചിരിക്കുകയാണ്. പൊട്ടിയ ചുണ്ടുകള് തുന്നിച്ചേര്ത്തു. അറ്റുപോയ വിരലുകള് തുന്നിച്ചേര്ക്കാനുള്ള ശ്രമത്തിലാണ് ഡോക്ടര്മാര്.
മദ്യപിച്ച് പ്രദീപ് ഭാര്യയുമായി വഴക്കുണ്ടാക്കുന്നത് പതിവാണ്. ഇത്തരത്തില് വെള്ളിയാഴ്ച രാവിലേയും ഇരുവരും തമ്മില് കലഹം ഉണ്ടാവുകയും പ്രദീപ് മഞ്ജുവിന്റെ കൈകള് വെട്ടിമാറ്റുകയുമായിരുന്നു. മഞ്ജുവിനെ വെട്ടുന്നത് കണ്ട് തടസം പിടക്കാനെത്തിയ മകളെയും പ്രദീപ് ആക്രമിച്ചു. ബഹളത്തിന് പിന്നാലെ സ്ഥലത്ത് എത്തിയ നാട്ടുകാരാണ് മഞ്ജുവിനെ കോട്ടയം മെഡിക്കല് കോളേജില് എത്തിച്ചത്. സംഭവത്തിന് പ്രദീപിനെ കാണാനില്ല. ഇയാള് വാഹനം എടുത്ത് കടന്നുകളഞ്ഞതായാണ് വിവരം. പ്രദീപിനായി അന്വേഷണം ആരംഭിച്ചിട്ടുണ്ട്.
