ന്യൂദല്‍ഹി പോപ്പുലര്‍ ഫ്രണ്ട് കരാട്ടെ,കളരി പരിശീലനകേന്ദ്രങ്ങളുടെ മറവില്‍ യുവാക്കളെ മതമൗലിക വാദികളാക്കുന്നതായി റിപ്പോര്‍ട്ട്. ആന്ധ്ര, കര്‍ണ്ണാടക, കേരളം ഉള്‍പ്പെടെ വിവിധ സംസ്ഥാനങ്ങളില്‍ പോപ്പുലര്‍ ഫ്രണ്ട് ഇത്തരം കരാട്ടെ പരിശീലനകേന്ദ്രങ്ങളിലൂടെ യുവാക്കളെ മതമൗലികവാദികളാക്കുന്നതായി എന്‍ ഐഎ കണ്ടെത്തിയിട്ടുണ്ട്.
ഇത്തരം കരാട്ടെ, കളരി കേന്ദ്രങ്ങളില്‍ വിദ്വേഷ പ്രസംഗങ്ങള്‍, വിവിധ വീഡിയോകള്‍, ലേഖനങ്ങള്‍ പ്രചരിപ്പിക്കുന്നതായി പറയുന്നു. കരാട്ടെ, കളരി പരിശീലനകേന്ദ്രങ്ങള്‍ എന്ന വ്യാജേന ആയുധപരിശീലനവും നല്‍കുന്നു. ഇത്തരം കേന്ദ്രങ്ങളെ റെയ്ഡില്‍ പ്രത്യേകമായി എന്‍ഐഎ പരിശോധിച്ച് വരികയാണ്.
കേരളം ഉള്‍പ്പെടെ 15 സംസ്ഥാനങ്ങളില്‍ പോപ്പുലര്‍ ഫ്രണ്ട് പ്രവര്‍ത്തകരുടെ വീടുകളിലും ഓഫീസുകളിലും നടത്തിയ റെയ്ഡുകളില്‍ മൂര്‍ച്ചയേറിയ ആയുധങ്ങളും ഡിജിറ്റല്‍ ഉപകരണങ്ങളും കണ്ടെത്തിയിട്ടുണ്ട്.
