ലുധിയാന : പഞ്ചാബിലെ സ്വകാര്യ സര്വ്വകലാശാലയില് മലയാളി വിദ്യാര്ത്ഥിയെ ആത്മഹത്യ ചെയ്ത നിലയില് കണ്ടെത്തി. ജലന്ധറിലെ ലൗലഗി പ്രൊഫണഷല് സര്വ്വകലാശാലയിലെ ഒന്നാം വര്ഷ ഡിസൈനിങ് കോഴ്സ് പഠിക്കുന്ന അഖിന് എസ്. ദിലീപി(21)നെയാണ് ആത്മഹത്യ ചെയ്യത്.
സംഭവത്തില് സര്വകലാശാല ക്യാമ്പസ്സിനുള്ളില് വിദ്യാര്ത്ഥികള് പ്രതിഷേധിക്കുകയാണ്. മരിച്ച വിദ്യാര്ത്ഥിക്ക് നീതി ലഭിക്കണമെന്ന് ആവശ്യപ്പെട്ടാണ് വിദ്യാര്ത്ഥികളുടെ പ്രതിഷേധം. പത്തുദിവസത്തിനിടെ കാമ്പസില് രണ്ട് വിദ്യാര്ത്ഥികളാണ് ജീവനൊടുക്കിയതെന്നും അന്വേഷണം വേണമെന്നും പ്രതിഷേധക്കാര് ആവശ്യപ്പെട്ടു.
ചൊവ്വാഴ്ച വൈകിട്ടാണ് മലയാളി വിദ്യാര്ഥിയായ അഖിനെ ഹോസ്റ്റല് മുറിയില് മരിച്ചനിലയില് കണ്ടെത്തിയത്. ചേര്ത്തല പള്ളിപ്പുറം സ്വദേശിയായ അഖിന് ഒരുമാസം മുമ്പാണ് ലൗലി പ്രൊഫഷണല് സര്വകലാശാലയില് ബി.ഡിസൈന് കോഴ്സിന് ചേര്ന്നത്. എന്നാല്
വ്യക്തിപരമായ പ്രശ്നങ്ങളാണ് വിദ്യാര്ത്ഥിയുടെ ആത്മഹത്യയ്ക്ക് കാരണമെന്നാണ് പോലീസിന്റെ വിശദീകരണം. വിദ്യാര്ഥിയുടെ ആത്മഹത്യാക്കുറിപ്പ് കണ്ടെടുത്തതായും കപുര്ത്തല പോലീസ് അറിയിച്ചു. ഇതേ വിശദീകരണം തന്നെയാണ് സര്വകലാശാല അധികൃതരും നല്കിയത്. പോലീസിന്റെ അന്വേഷണവുമായി സഹകരിക്കുമെന്നും അധികൃതര് പ്രസ്താവനയിലൂടെ അറിയിച്ചു.
