ന്യൂദല്ഹി: കന്യാകുമാരി മുതല് കശ്മീര് വരെ കോണ്ഗ്രസ് മുന് അധ്യക്ഷന് രാഹുല് നടത്തുന്ന ഭാരത് ജോഡോ യാത്രയില് പങ്കെടുക്കുന്നവര്ക്ക് താമസം ഒരുക്കുന്ന കണ്ടെയ്നറുകളും വിവാദത്തില്. രാഹുലിന് മാത്രമായി ഒരു കണ്ടെയ്നര് മാറ്റിവച്ചിട്ടുണ്ട്. മറ്റുള്ളവര്ക്കായി ഒരുക്കിയ കണ്ടെയ്നറില് ഒന്നില് നിരവധി പേരാണ് കിടക്കേണ്ടത്.
രാഹുലിന്റെ കണ്ടെയ്നര് ഫസ്റ്റ് കഌസാണ്. എസി ചെയ്ത കണ്ടെയ്നറില് മറ്റാര്ക്കും കയറാനാവില്ല. ഫ്രിഡ്ജ്, ഫാന്, സോഫ, മെത്ത, യൂറോപ്യ, ശൈലയിലുള്ള ടോയ്ലറ്റ്, അടിപൊളി വാഷ് ബേസിന് എന്നിവയെല്ലാം ഇതിലുണ്ട്.
ലോറിയിലുറപ്പിച്ച 60 കണ്ടെയ്നറുകളിലാണ് യാത്രയിലെ സ്ഥിരം അംഗങ്ങള് ഉറങ്ങുന്നത്. പത്തു പേര്ക്ക് പങ്കെടുക്കാവുന്ന കോണ്ഫറന്സ് മുറിയുമുണ്ട്. കെ.സി വേണുഗോപാല്, ജയ്റാം രമേഷ്, ദ്വിഗ്വിജയ് സിങ് എന്നിവര് രണ്ടു കിടക്കകളുള്ള കണ്ടെയ്നറിലാണ് ഉറങ്ങുന്നത്. നാലു കിടക്കകളും ആറു കിടക്കകളും 12 കിടക്കകളും ഉള്ള കണ്ടെയ്നറുകളുമുണ്ട്. നേതാക്കള്ക്കുള്ളവയില് ടോയ്ലറ്റുണ്ട്. മറ്റുള്ളവയില് അതില്ല. അവര്ക്ക് യാത്രക്കൊപ്പമുള്ള മൊബൈല് ടോയ്ലറ്റുകളാണ്.
