സ്‌റ്റേറ്റ് ബാങ്ക് ഓഫ് ഇന്ത്യ (എസ്ബിഐ) വെല്‍ത്ത് മാനേജ്‌മെന്റ് ബിസിനസ് യൂണിറ്റിലേക്ക് സ്‌പെഷ്യലിസ്റ്റ് ഓഫീസര്‍മാരെ റിക്രൂട്ട് ചെയ്യുന്നു. വിവിധ തസ്തികകളിലായി 665 ഒഴിവുകളുണ്ട്. വിശദവിവരങ്ങളടങ്ങിയ വിജ്ഞാപനം https://bank.sbi/careers, www.sbi.co.in/careers എന്നീ വെബ്‌സൈറ്റുകളില്‍ ലഭ്യമാണ്. തസ്തിക തിരിച്ചുള്ള ഒഴിവുകള്‍ ചുവടെ- കരാര്‍ അടിസ്ഥാനത്തിലാണ് നിയമനം.
മാനേജര്‍ (ബിസിനസ് പ്രോസസ്)-1, സെന്‍ട്രല്‍ ഓപ്പറേഷന്‍സ് ടീം- സപ്പോര്‍ട്ട്-2, മാനേജര്‍ (ബിസിനസ് ഡവലപ്‌മെന്റ്)-2, പ്രോജക്ട് ഡവലപ്‌മെന്റ് മാനേജര്‍ (ബിസിനസ്)-2, റിലേഷന്‍ഷിപ്പ് മാനേജര്‍-335, ഇന്‍വെസ്റ്റ്‌മെന്റ് ഒാഫീസര്‍-52, സീനിയര്‍ റിലേഷന്‍സ് മാനേജര്‍-147, റിലേഷന്‍ഷിപ്പ് മാനേജര്‍ (ടീം ലീഡര്‍)-37, റീജിയണല്‍ ഹെഡ്-12, കസ്റ്റമര്‍ റിലേഷന്‍ഷിപ്പ് എക്‌സിക്യൂട്ടീവ്-75.
യോഗ്യതാ മാനദണ്ഡങ്ങള്‍, അപേക്ഷാ സമര്‍പ്പണത്തിനുള്ള നിര്‍ദ്ദേശങ്ങള്‍, സെലക്ഷന്‍ നടപടികള്‍, സംവരണം, ശമ്പളം ഉള്‍പ്പെടെയുള്ള വിവരങ്ങള്‍ വിജ്ഞാപനത്തിലുണ്ട്. അപേക്ഷാ ഫീസ് 750 രൂപ. എസ്‌സി/എസ്ടി/പിഡബ്ല്യുഡി വിഭാഗങ്ങളില്‍പ്പെടുന്നവര്‍ക്ക് ഫീസില്ല. അപേക്ഷ നിര്‍ദ്ദേശാനുസരണം ഓണ്‍ലൈനായി ഇപ്പോള്‍ സമര്‍പ്പിക്കാം. സെപ്തംബര്‍ 20 വരെ അപേക്ഷ സ്വീകരിക്കും.
എസ്എസ്‌സി സ്‌റ്റെനോഗ്രാഫര്‍: പരീക്ഷ നവംബറില്‍, ഓണ്‍ലൈന്‍ അപേക്ഷ സെപ്തംബര്‍ 5 വരെ
കേന്ദ്രസര്‍വ്വീസുകളിലേക്ക് ഗ്രേഡ് സി, ഡി സ്‌റ്റെനോഗ്രാഫര്‍മാരെ തെരഞ്ഞെടുക്കുന്നതിന് സ്റ്റാഫ് സെലക്ഷന്‍ കമ്മീഷന്‍ നവംബറില്‍ നടത്തുന്ന പരീക്ഷയില്‍ പങ്കെടുക്കാം. സെപ്തംബര്‍ 5 വരെ ഇതിലേക്ക് ഓണ്‍ലൈനായി അപേക്ഷകള്‍ സ്വീകരിക്കും.
യോഗ്യത: പന്ത്രണ്ടാം ക്ലാസ്/പ്ലസ്ടു/തത്തുല്യ ബോര്‍ഡ് പരീക്ഷ പാസായിരിക്കണം. പ്രായപരിധി 18-27/30 വയസ്. എസ്‌സി/എസ്ടി/ഒബിസി/പിഡബ്ല്യുഡി/വിമുക്തഭടന്മാര്‍ വിഭാഗങ്ങളില്‍പ്പെടുന്നവര്‍ക്ക് നിയമാനുസൃത വയസ്സിളവുണ്ട്. അപേക്ഷാ ഫീസ് 100 രൂപ. വനിതകള്‍/എസ്‌സി/എസ്ടി/പിഡബ്ല്യുഡി/വിമുക്തഭടന്മാര്‍ എന്നീ വിഭാഗങ്ങള്‍ക്ക് ഫീസില്ല.
പരീക്ഷയുടെ വിശദാംശങ്ങള്‍, സെലക്ഷന്‍ നടപടികള്‍, അപേക്ഷാ സമര്‍പ്പണത്തിനുള്ള നിര്‍ദ്ദേശങ്ങള്‍ അടങ്ങിയ വിജ്ഞാപനം https://ssc.nic.in ല്‍ ലഭിക്കും. കേരളത്തില്‍ കണ്ണൂര്‍, കോഴിക്കോട്, തൃശൂര്‍, എറണാകുളം, കോട്ടയം, കൊല്ലം, തിരുവനന്തപുരം, കര്‍ണാടകത്തില്‍ ഉഡുപ്പി, ഷിമോഗ, മൈസൂരു, മാംഗ്ലൂരു, ഗുല്‍ബര്‍ഗ്ഗ, ഹൂബ്ലി, ബെല്‍ഗാവി, ബെംഗളൂരു എന്നിവ പരീക്ഷാകേന്ദ്രങ്ങളാണ്.
