മലപ്പുറം: മലപ്പുറത്തു ദേശീയ പാത വികസനത്തിന് വേണ്ടി മരം മുറിക്കുന്നതിനിടെ നിരവധി പക്ഷികള് ചത്തു പോയ സംഭവത്തില് കരാറുകാര്ക്കെതിരെ നടപടി. കരാറുകാര്ക്കെതിരെ കേസെടുക്കാന് വനം വകുപ്പ് തീരുമാനിച്ചു.
ഷെഡ്യൂള് 4 ല് പ്പെട്ട അമ്പതിലേറെ നീര്ക്കാക്ക കുഞ്ഞുങ്ങള് ജീവന് നഷ്ടമായെന്നാണ് പ്രാഥമിക നിഗമനം. വന്യജീവി സംരക്ഷണം നിയമ പ്രകാരം ആണ് കേസ് രജിസ്റ്റര് ചെയ്യുക.
മുട്ട വിരിഞ്ഞ ശേഷം, പക്ഷിക്കുഞ്ഞുങ്ങള്ക്ക് പറക്കാനും ആയ ശേഷമേ മരം മുറിക്കാവൂ എന്ന കര്ശന നിര്ദേശങ്ങള് നിലനില്ക്കുന്നുണ്ട്. ഇത് കരാറുകാരന് ലംഘിച്ചെന്ന് കണ്ടെത്തിയതിന്റെ അടിസ്ഥാനത്തിലാണ് വനം വകുപ്പിന്റെ നടപടി. വനം വകുപ്പ് ഇന്ന് പ്രദേശവാസികളില് നിന്നും വിശദമൊഴി എടുക്കും. അതിനുശേഷമായിരിക്കും കരാറുകാര്ക്കെതിരെ നടപടി.
