തിരുവനന്തപുരം: സര്‍വീസ് പുനഃക്രമീകരിച്ചതില്‍ പ്രതിഷേധിച്ച് ഡ്യൂട്ടി ബഹിഷ്‌കരിച്ച 111 ജീവനക്കാരുടെ ശമ്പളത്തില്‍ നിന്ന് 9,49,510 രൂപ തിരിച്ചുപിടിക്കാന്‍ കെഎസ്ആര്‍ടിസി ഉത്തരവ്. ജീവനക്കാരുടെ ശമ്പളത്തില്‍ നിന്ന് അഞ്ച് തുല്യ ഗഡുക്കളായി തിരിച്ചുപിടിക്കാനാണ് കോര്‍പ്പറേഷന്‍ ഉത്തരവിട്ടിരിക്കുന്നത്. ജൂണ്‍ 26ന് സര്‍വ്വീസ് മുടക്കിയ തിരുവനന്തപുരത്തെ മൂന്ന് കെഎസ്ആര്‍ടിസി ഡിപ്പോകളിലെ ജീവനക്കാരില്‍ നിന്നാണ് നഷ്ടം തിരിച്ച് പിടിക്കുന്നത.
പാപ്പനംകോട്, വികാസ് ഭവന്‍, സിറ്റി, പേരൂര്‍ക്കട ഡിപ്പോകളിലെ ജീവനക്കാര്‍ക്കെതിരെയാണ് നടപടി, 49 ഡ്രൈവര്‍മാരില്‍ നിന്നും 69 കണ്ടക്ടര്‍മാരില്‍ നിന്നുമാണ് പണം ഈടാക്കുക. ഇത് കൂടാതെ 2021 ജൂലായ് 12ന് സ്‌പ്രെഡ് ഓവര്‍ ഡ്യൂട്ടി നടത്തിപ്പില്‍ പ്രതിഷേധിച്ച് പാറശാല ഡിപ്പോയിലെ എട്ട് ജീവനക്കാര്‍ ഡ്യൂട്ടിക്ക് ഹാജരാകാത്തതിനെ തുടര്‍ന്ന് സര്‍വീസ് റദ്ദാക്കിയതിനെ തുടര്‍ന്ന് നഷ്ടമായ 40277 രൂപ ഇവരില്‍ നിന്ന് തുല്യമായി തിരിച്ചുപിടിക്കാനും ഉത്തരവായി.
പ്രതികരിക്കാൻ ഇവിടെ എഴുതുക: