തിരുവനന്തപുരം : ആര്യ രാജേന്ദ്രന് സച്ചിന്ദേവ് വിവാഹ നിശ്ചയവാര്ത്ത വൈറലായിരുന്നു. ഇരുവരുടേയും കല്യാണക്ഷണക്കത്തും ഇപ്പോള് സമൂഹമാധ്യമങ്ങളില് വൈറലായിരിക്കുകയാണ്. വധൂ വരന്മാരുടെ രക്ഷിതാക്കള്ക്ക് പകരം തിരുവനന്തപുരം, കോഴിക്കോട് ജില്ലാസെക്രട്ടറിമാരാണ് ക്ഷണിക്കുന്നത്.
തിരുവനന്തപുരം ചാല സിപിഎം ഏരിയ കമ്മിറ്റി അംഗമായ മേയര് ആര്യ രാജേന്ദ്രന്റെ വിവാഹ ക്ഷണക്കത്തില് ജില്ലാ സെക്രട്ടറി ആനാവൂര് നാഗപ്പനാണ് ക്ഷണിക്കുന്നത്. സച്ചിന് ദേവിന്റെ ക്ഷണക്കത്തില് കോഴിക്കോട് സിപിഎം ജില്ലാ സെക്രട്ടറി പി. മോഹനന് മാസ്റ്ററുമാണ് ക്ഷണിക്കുന്നത്.
സെപ്തംബര് നാല് ഞായറാഴ്ച രാവിലെ 11 എകെജി ഹാളില് വെച്ചാണ് വിവാഹം. തുടര്ന്ന് ചൊവ്വാഴ്ച വൈകുന്നേരം 4 മണി മുതല് എട്ട് മണി വരെ കോഴിക്കോട് ടാഗോര് സെന്റിനറി ഹാളില് സൗഹൃദ വിരുന്നും ഒരുക്കിയിട്ടുണ്ട്.
