ഭോപ്പാല്: മദ്ധ്യപ്രദേശില് കാണാതായ മലയാളി ക്യാപ്ടന് നിര്മ്മല് ശിവരാജിന്റെ മൃതദേഹം കണ്ടെത്തി. പ്രളയത്തില് ഒഴുകിപ്പോയ വാഹനം കണ്ടെടുത്തതിന് പിന്നാലെയാണ് മൃതദേഹവും കണ്ടെത്തിയത്. എറണാകുളം മാതമംഗലം സ്വദേശിയായ നിര്മ്മല് ശിവരാജന് ഭാര്യയെ കണ്ട് മടങ്ങവേയാണ് മദ്ധ്യപ്രദേശില് വച്ച് കാണാതായത്.
കഴിഞ്ഞദിവസം ഉണ്ടായ മിന്നൽ പ്രളയത്തിൽ നിർമ്മലിന്റെ വാഹനവും പെട്ടതായാണ് നിഗമനം. നർമ്മദാപുരത്തെ ബച്ച്വാര ഗ്രാമത്തിലായിരുന്നു നിർമലിന്റെ അവസാന ടവർ ലൊക്കേഷൻ. ഇവിടം കേന്ദ്രീകരിച്ച് നടത്തിയ പരിശോധനയിലാണ് രാവിലെ കാർ കണ്ടെത്തിയത്. തുടർന്ന് നടത്തിയ തെരച്ചിലിലാണ് മൃതദേഹവും കണ്ടെത്തിയത്.
മൂന്ന് ദിവസമായി നിര്മ്മലിനെ കുറിച്ച് യാതൊരു വിവരവും ഉണ്ടായിരുന്നില്ല. മദ്ധ്യപ്രദേശ് പോലീസ് സംഘത്തിനൊപ്പം എന് ഡി ആര് എഫ് സംഘത്തെയും തെരച്ചിലിനായി നിയോഗിച്ചിക്കുകയായിരുന്നു. ജബല്പൂരില് ലെഫ്റ്റനന്റ് ആയ ഗോപി ചന്ദ്രയാണ് നിര്മ്മലിന്റെ ഭാര്യ. മൃതദേഹം നാളെ കൊച്ചിയിൽ എത്തിക്കും. വൈകുന്നേരത്തോടെ ഇലഞ്ഞിയിലെ തറവാട് വീട്ടിൽ സംസ്ക്കാര ചടങ്ങുകൾ നടക്കും.
