പാലക്കാട്: ദേശീയ ചലച്ചിത്ര പുരസ്കാരം ലഭിച്ചതില് ഒരുപാട് സന്തോഷമുണ്ടെന്ന് മികച്ച നടി അപര്ണ ബാലമുരളി. തന്റെ പൂര്ണമായ പരിശ്രം ചിത്രത്തിനായി നല്കിയിരുന്നു. അതിന് അംഗീകാരം കിട്ടിയപ്പോള് വളരെ അധികം സന്തോഷമുണ്ടെന്നും നടി വ്യക്തമാക്കി.
സുരരൈപോട്രിന്റെ സംവിധായക സുധാ കൊങ്കാരയ്ക്ക് ഉള്പ്പടെ തന്നെ പിന്തുണച്ച എല്ലാവര്ക്കും നന്ദി. സിനിമ കണ്ട് ഒത്തിരി പേര് വിളിച്ചിരുന്നുവെന്നും മികച്ച ഒരു സിനിമയുടെ ഭാഗമാക്കാന് കഴിഞ്ഞതില് ഒരുപാട് അഭിമാനം ഉണ്ടെന്നും അപര്ണ പറഞ്ഞു. തമിഴ് സിനിമയായ സുരരൈപോട്രിലെ അഭിനയത്തിനാണ് അപര്ണയ്ക്ക് പുരസ്കാരം ലഭിച്ചത്. ഈ സിനിമയിലെ പ്രകടനത്തിന് സൂര്യക്കും മികച്ച നടന് പുരസ്ക്കാരം ലഭിച്ചു. സിനിമയ്ക്ക് വിവിധ മേഖലയില് പ്രത്യേക പരാമര്ശങ്ങളും ലഭിച്ചു.
