വാഷിംഗ്ടണ് :അമേരിക്കയിലെ കെന്റക്കിയിലെ മൂര്ഹെഡിന് സമീപത്തെ സിസിടിവി ക്യമാറയില് പതിഞ്ഞ സ്നിഗ്ധമായ വെളുത്തരൂപത്തെക്കുറിച്ച് കൃത്യമായ ഉത്തരം പറയാനാകാതെ ലോകം. ചലിക്കുന്ന ഈ രൂപത്തെ കണ്ടാല് യക്ഷിക്കഥകളില് പറയുന്ന ഭൂതമോ പ്രേതമോ പിശാചോ ആത്മാവോ ഒക്കെയാണെന്ന് തോന്നും.
വീഡിയോ കാണാം:
കാരണം ഇത് മാംസമില്ലാത്ത ഒരു മനുഷ്യസദൃശരൂപമാണ്. എക്സറേയിലെല്ലാം പതിയുന്നതുപോലെയുള്ള വെളുത്ത രൂപം. അമേരിക്കയിലെ പാരനോര്മാലിറ്റി മാഗസിനാണ് ഈ രൂപം ട്വിറ്ററില് പങ്കുവെച്ചത്. ശാസ്ത്രം അവസാനിക്കുന്നിടത്തെ അതീന്ദ്രിയജീവിതത്തിന്റെ പൊരുള് അന്വേഷിക്കുന്ന പാരാനോര്മാലിറ്റി മാഗസിന് പ്രസിദ്ധമാണ്.
ഒരു കറുത്ത കാറിന് പിന്നിലായി പതുങ്ങി പതുങ്ങി സാവധാനത്തിലാണ് ഈ രൂപം നീങ്ങുന്നത്. “സെക്യൂരിറ്റി ക്യാമറയില് പതിഞ്ഞ ഈ വിളര്ത്ത ജീവിയുടെ വീഡിയോ ഇതാ” എന്ന് പറഞ്ഞാണ് പാരനോര്മാലിറ്റി മാഗസിന് ഈ വീഡിയോ പങ്കുവെച്ചിരിക്കുന്നത്.
മൊബൈല് ഫോണ് പിടിച്ച് ആരോ നീങ്ങുന്നതാണെന്ന് വീഡിയോയ്ക്കുള്ള കമന്റില് ഒരാള് എഴുതുന്നു. എന്തിനാണ് ഇയാള് കുനിഞ്ഞ് നിങ്ങുന്നത്. ഇയാള്ക്കും നട്ടെല്ലിന് പ്രശ്നമുണ്ടോ എന്നാണ് മറ്റൊരാള് പരിഹാസപൂര്വ്വം ചോദിക്കുന്നത്. ഈ രൂപത്തെ കണ്ട് ഒട്ടേറെ പേര് ഭയന്നതായും പ്രതികരിക്കുന്നുണ്ട്.
