മുംബൈ: സൂഫി ബാബ എന്ന് അറിയപ്പെടുന്ന ആത്മീയ നേതാവും, അഫ്ഗാനിസ്ഥാന് സ്വദേശിയുമായ ഖാജാ സയ്യിദ് ചിസ്തിയെ(35) വെടിവെച്ച് കൊലപ്പെടുത്തി.ചൊവ്വാഴ്ച്ച വൈകിട്ട് മഹാരാഷ്ട്രയിലെ നാസിക്കിലെ യേവ്ല ടൗണില്വെച്ചാണ് സംഭവം നടന്നത്.സൂഫി ബാബയുടെ തലയിലാണ് വെടിയേറ്റത്.അദ്ദേഹം തല്ക്ഷണം മരിച്ചു.
നാലുപേരടങ്ങുന്ന സംഘമാണ് ആക്രമിച്ചത്.കൊലപാതകത്തിന് പിന്നാലെ അദ്ദേഹത്തിന്റെ കാറും അക്രമിസംഘം തട്ടിയെടുത്തു.സംഭവത്തില് യേവ്ല പോലീസ് കേസ് എടുത്ത് അന്വേഷണം ആരംഭിച്ചു.കൊലപാതകത്തിന്റെ കാരണം വ്യക്തമല്ല. പ്രതികളെ പിടികൂടാനുളള ശ്രമങ്ങള് ആരംഭിച്ചതായി പോലീസ് പറഞ്ഞു.സൂഫി ബാബയുടെ ഡ്രൈവറിലേക്കാണ് സംശയങ്ങള് നീളുന്നത്.
